為慶祝6月18日父親節，昨晚（17日）播出特備節目《獎門人I Love爸爸感謝祭》，今集「獎門人」曾志偉帶領「獎老」阮兆祥、錢嘉樂、麥美恩、徐文浩和林秀怡擔任主持，兩隊嘉賓陣容均來自《中年好聲音》，有「靠實力」隊的肥媽、周吉佩、李佳、林鉫徫、魏嘉信、李思林和劉智衛，對戰「衡車好聲音」隊的車婉婉、伍仲衡、龍婷、顏志恒、支嚳儀、曹敏寶和梁浩銓。首個遊戲肥媽艷福不淺，先咀伍仲衡再奪周吉佩幕前之吻，非常爆笑。
【相關閱讀】：獎門人丨龍婷挑戰急口令似雞叫搞到顏志恒標汗 肥媽投訴畀仔咬嘴
【點擊睇周吉佩咀肥媽】：
首個遊戲「開心無敵傳紫菜」由肥媽、伍仲衡及車婉婉打頭，肥媽站在第一個位啜紫菜，再傳給伍仲衡，原本肥媽為節目效果捉住伍仲衡啜，他之後主動出擊，捉實肥媽吸啜紫菜，二人更玩到紫菜斷開，餘下不到半塊傳給車婉婉。到支嚳儀、周吉佩、李思林、曹敏寶等上場時，因為李思林不熟玩法，搞到大塞車。其後獎門人安排周吉佩與劉智衛再上場，肥媽站在二人中間，怎料紫菜突然甩嘴，周吉佩與肥媽在鏡頭前突然一咀，嚇到周吉佩即時跪地，而肥媽邊玩邊投訴指兩男：「佢哋兩個都鍾意咬人嘅！」
龍婷被繞口急口令考起
此外，在「開心無敵口噏噏」先由肥媽估答案，當她聽到周吉佩說：「全場最索係肥媽」時，將最「索」變最「惡」笑爆觀眾。而魏嘉信：「我墮入情網」，劉智衛竟加上下半身郁動動作，搞到肥媽大笑行開。而龍婷卻被繞口急口令考起，讀出：「個個國家嘅國歌，都係用嗰個國家嘅國家級歌星唱國歌嘅」時，她講到「咯咯咯咯」，令負責估的顏志恒忍不住問：「係咪雞呀？」更玩到標汗。
【其他文章】：
張繼聰讓出4千呎豪宅巨廳畀大仔搞生日派對 與謝安琪避走私家健身室
盤點6位拒入行星二代！最美港姐亞軍高學歷仔成功創業 前TVB小生長子做公院護士
前港姐岑杏賢晒餅印母子照勁溫馨 嫁金融才俊住半山豪宅生活美滿
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
