出身於演藝世家的姜麗文（Lesley）身兼演員、主持和唱作歌手，每次出席活動，又或者在社交平台上載相片，總是笑面迎人，但原來她曾經受抑鬱症困擾長達10年，早前她應邀參加由「香港精神健康動力基金會」主辦的健康資訊項目，她坦承過去10年曾經有三次自毀念頭，最後音樂竟成為她的救命恩人！
【相關閱讀】：秦沛78歲生日滿頭白髮笑容溫馨又慈祥 囡囡姜麗文狂貼經典meme圖賀壽
【點擊睇姜麗文曾經受抑鬱症困擾】：
姜麗文多年來在音樂方面一直努力創作，上月發表新歌《I AM WOMAN》，不過唱歌背後，原來有另一段故事，在片中她提到在情緒最低落時，原來不只一次出現自毀念頭：「我諗番其實有三次，嗰陣係嚴重地考慮過或者諗過試圖自殺。例如有一次我喺度等過馬路，就覺得『點解你哋揸車技術咁好，點解唔幫幫我撞埋嚟我度呢？』最嚴重嘅時候，真係寫埋信，準備講說再見。」還好姜麗文崩潰時，還有音樂相伴：「音樂絕對係我嘅救命恩人，第一次打算告別嘅時候，我就寫咗歌，將情緒紀錄落嚟。呢件事令我意識到，其實藝術或者自己喜歡做嘅事，對我係有好大嘅幫助。就算其他人放棄咗我、冇人愛我、冇人理會我都好，音樂永遠都會喺我嘅身邊。」
失戀而觸發抑鬱症
失戀而觸發抑鬱症的姜麗文續說：「我係因為失戀而觸發抑鬱症，但係當初乜嘢都知道，覺得失戀就係瞓唔着，唔開心。但係過咗幾個月愈來愈黑暗，無論發生乜嘢事，就係唔會感到開心，甚至信心同自我價值全失。」其時的姜麗文為了工作仍然強顏歡笑，但一停機又哭過不停，「喺拍攝場地控制唔到自己，我就知道好嚴重，需要搵醫生幫忙」。
這些年姜麗文努力面對抑鬱症，情緒有高有低，幸而在她積極了解抑鬱症，以及近年開始服藥，就算仍會出現負面情緒，但已經學懂如何應對：「我有兩個秘訣，第一係設立一個數字系統，同最熟悉嘅朋友或親人分享。當我唔開心或是生病時，我唔使講太多嘢多解釋，只需要用『四』、『七』或『二』等，佢哋可以好快知道我嘅情況。」
「擬人法」對方抑鬱
而第二個秘訣是用「擬人法」處理抑鬱症，姜麗文叫它做 Borat：「我將抑鬱症當做係一個人，我當佢係前男友，或者好唔喜歡嘅朋友，每次生病時腦袋會同我講『你真係好醜』、『你真係唔值得被愛』，我就可以唔去諗我嘅病，我可以諗呢個人最壞、最喜歡講大話！」姜麗文亦提到她的父親、兄長與丈夫，如何一次又一次助她擺脫抑鬱症的控制，以及她作為抑鬱症患者的第一身感受，真摯感情令人動容。
24小時求助熱線︰
生命熱線︰23820000
明愛向晴熱線：18288
東華三院芷若園熱線︰18281
社會福利署熱線︰23432255
利民會《即時通》：35122626
撒瑪利亞會熱線(多種語言)︰28960000
香港撒瑪利亞防止自殺會熱線︰23892222
賽馬會青少年情緒健康網上支援平台「Open?」：www.openup.hk
醫院管理局精神健康專線(24小時精神健康熱線諮詢服務)：24667350
【相關閱讀】：
姜麗文27年前舊照出土 原來係集郵專家 郭富城、成龍、劉德華攬住合照
姜麗文晒「姜氏家族」團年合照勁大陣仗 曹永廉15歲兒子暴風式成長好靚仔
姜麗文晒國際化朋友圈！《體能之巔》秋成勳係契哥 同韓團OPPA尊尼仔傳過緋聞
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
