張振朗、龔嘉欣、劉穎鏇等主演的TVB新劇《靈戲逼人》周一播出，吸引不少網民討論。《靈戲逼人》更大膽起用不少新面孔，首周有兩名新生代女演員彈出，分別是飾演「若琳」的阮嘉敏（阮嘉敏）憑住「少女」一面獲得關注，而飾演中學生「阿麗」的劉芷玲（劉芷玲）更苦練揈水袖。
【相關閱讀】：靈氣逼人丨梁舜燕孫仔阮浩棕上位變「女神收割機」 曾被劉穎鏇冷落終融化
【點擊睇阮嘉敏清純四眼Look】：
憑《東張西望》入屋的阮嘉敏，今年先後憑《隱形戰隊》及《法言人》獲得關注。今次《靈戲逼人》阮嘉敏再有突破，飾演「鵪鶉妹」若琳，並會與吳子冲飾演的「阿傑」有感情線。前晚（6日）播出的二人靈探場口，阮嘉敏完全演活「少女情懷總是詩」，再度引熱討：「扮鵪鶉幾得意」、「望住吳子冲個樣好甜」。
談到四眼妹造型，阮嘉敏感激監製王偉仁設計相關造型，並謂為了營造樸素感，劇組花了不少心思：「監製導演想我怕醜啲，所以叫我化淡眼妝，又試咗好多副眼鏡。」談到真實性格，阮嘉敏笑言與角色相反：「本身我個人比較健談、開朗同主動，如果我鍾意個男仔，應該會想主動同佢傾計，唔會咁怕醜。」
22歲的劉芷玲在劇中飾演中學生，獲網民讚「超Baby Face」：「個妹妹原來過廿歲」、「以為真係學生」。身為2021年藝訓班學員的劉芷玲，劇中飾演熱愛粵劇的小妹妹，更疑似是「柳芳」龔嘉欣着力尋找的「雲哥」張振朗的孫女，角色關鍵之餘亦甚多發揮機會。昨晚（7日）阿麗的揈水袖場口便每個動作均有板有眼，就連當紅粵劇花旦的謝雪心，也大讚劉芷玲叻女：「長水袖係唔容易耍架，我都讚佢叻呀！」
劉芷玲則透露拍攝前有上堂練習：「之前有一日由朝練到晚都喺度練基本功同水袖動作，到真正拍嗰日就有現場指導。但因為嗰個水袖真係太長，我失敗咗好多次先做到佢哋想要嘅效果。」她又謂自己零粵劇根底，相關經驗只是跳舞及唱流行曲，故開拍前壓力甚大：「都係一路拍一路學一路做。」
謝雪心李成昌鬥戲又鬥氣
謝雪心昨晚一幕50秒的「耍雙劍」戲亦相當搶鏡，熟練造手與別具魅力的面部表情讓人看得出神，名副其實寶刀未老。謝雪心受訪時透露其實是抵達現場後才「有乜耍乜」，並感恩自小獲師傅栽培、練好功底：「當年一開始練功就每日刀槍劍都要練，有時櫻槍、雙刀、大刀，即係舞旦刀，呢個（場口）係雙劍，係另一種耍法。」
謝雪心更透露當時每日都要練功：「嗰時我哋練，就會今日練雙劍、聽日練舞旦刀，櫻槍就每日都打，因為要同人對打，雙劍就自己一個人耍。可能我底功練得耐啦，所以好好彩喺現場一拎起雙劍啲底功就返嚟喇，所以有付出努力練習過嘅嘢總唔會白費。」談到與李成昌在劇中經常鬥嘴，謝雪心笑言是「奇妙緣份」： 「真係好得意，之前我拍《巾幗3》成日跟住佢個角色，同呢套劇完全相反，絕對過足戲癮。」
【相關閱讀】：
全城一叮丨落選港姐皮裙上陣跳性感舞狂擘腿 唱歌甩拍子靠台風都夠贏
《東張》女神逐個數｜王嘉慧一級榮譽高材生 人妻黃愷怡老公係飛機師
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
