李司棋（司棋姐）再度榮升做外母！李司棋與前夫所生獨女葉子青雖然經歷二次婚姻失敗，不過依然勇敢去愛，與英國攝影師男友戀得火熱！日前葉子青在社交平台貼上「wedding THIS WAY」的相並留言：「Seven-day countdown begins！」不少朋友向她送上祝福，而李司棋亦已經出發到多倫多，見證女兒展開一生新一頁！
【相關閱讀】：72歲李司棋絕密童照出土 自小識擺騷長腳甫士 網民讚天生有文青氣質
【點擊睇李司棋母女合照】：
葉子青在2005年與結婚4年的吳海謀離婚後，在2007年與「多倫多第一台」助理總經理黃安信（Anson）結婚，不過當時李司棋因為要趕拍《珠光寶氣》，只好無奈缺席女兒。現過着半退休生活的李司棋，當然要出席女兒的婚禮，她出發前曾接受傳媒訪問，表示已經準備了多套靚衫：「因為都有好多party要去呀，我緊張咗好耐喇，因為有好多嘢要計劃，其實我好抗拒坐咁長途嘅飛機，因為好辛苦，但我唔能夠唔去，幫吓手囉！」
讚女兒外籍男友孝順又顧家
談到女兒有一個好歸宿，李司棋當然戥女兒高興：「我個女同男朋友都相處咗一段日子，係我見個女最開心嘅時候，可能人喺唔同時間就有唔同際遇，佢喺Right Time搵到Right Man。」李司棋又覺得女兒與第三任老公各方面「好夾」：「佢哋都好鍾意nature，佢男友鍾意自己整嘢，咁我個女有時會種吓嘢。好多朋友都覺得佢男友好好人，亦好孝順，仲好過我哋中國人嗰種對家庭咁care。」
其實李司棋當年亦曾經歷婚姻失敗，在1971年她與法醫官葉志鵬結婚，3年後誕下女兒葉子青，但在1989年發現丈夫有第三者而離婚，當時女兒選擇跟爸爸生活，母女有七年時間完全沒有聯絡。直至1997年，女兒主動行出第一步，致電媽媽李司棋並慢慢重建關係，以愛去維護母女情，自此之後，她們無所不談，李司棋曾經表示：「我同阿囡嘅性格好相似，只要覺得有問題或對方有錯，都直接向對方講。」在2016年，兩人更一起參與奇妙電視（現HOY TV）節目《帶阿媽去旅行》。
【相關閱讀】：
7個三度結婚男星！國際影后老公曾被前妻數臭 「賤男」回頭變好爸爸
李司棋汪明荃世紀同框勾《書劍恩仇錄》回憶 事隔多年合照撞晒造型組新Twins！
李司棋變烹飪KOL分享媽媽秘方 煮蘑菇湯豪落2000蚊白蘭地當普通料理酒
72歲李司棋拎玩具槍上膛發射動作流暢 連番擊中目標視力好到令網民驚訝
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
