「35+」初選案續審，被告施德來今早於西九龍法院坦承因應選舉論壇上其他候選人發言進取，令自己發言要更進取，聲稱要否決所有議案，惟言論不實。施德來解釋「如果呢個場合講有得傾、有得談判、有得慢慢去磋商，以當刻社會氣氛、民主派支持者對政府嘅不滿，如果我噉講不單止係自己政治自殺，亦都係難以令民協繼續維持落去，因為當時民主派支持者即使基層、最溫和市民都對政府有不滿，我嘅表現都要接近民情」。
施德來提到九龍東選舉論壇上，譚得志等其他候選人發言進取，吸引了公眾關注，令自己發言要更進取，故聲稱要否決所有議案等，但其實說法並不合理，因為自己打算爭取失業援助金及強積金修例，故沒有理由否決所有議案。《香港國安法》指定法官李運騰指施德來當時從政逾12年，一直堅持談判商討，何以忽然背棄一貫主張，揚言冇談判餘地？施德來解釋出於選舉需要，指「如果呢個場合講有得傾、有得談判、有得慢慢去磋商，以當刻社會氣氛、民主派支持者對政府嘅不滿，如果我噉講不單止係自己政治自殺，亦都係難以令民協繼續維持落去，因為當時民主派支持者即使基層、最溫和市民都對政府有不滿，我嘅表現都要接近民情」。施德來坦言言論不實，僅為政治修辭。
施德來交代論壇策略為想顯得形象進取，增加知名度曝光率，事後從facebook、討論區等平台檢討，認為能夠如願以償，惟補充否決所有撥款等並非原訂說法。法官陳慶偉問道選民如何得知其所言不實？施德來坦言論壇上「唔應該話呢個只係談判籌碼，林鄭唔應承都唔會否決，我哋唔可以噉講」，惟承認選民無法得知其真實立場。
大律師黃廷光主問下，施德來交代2020年6月26日出席九龍東選舉論壇事前準備了發言方向，「我會意識到呢個選舉係集中咗喺個政治議題嘅討論，所以我會選擇喺呢一個論壇入面，就住社會熱門嘅政治議題去表達我嘅睇法」。《香港國安法》指定法官陳仲衡追問下，施德來提到準備了部分「關鍵詞」包括否決財政預算案、《國安法》、DQ、攬炒，「呢啲都係當時熱門嘅政治詞語，我都會預備喺論壇入面去表達嘅」，以增加知名度、曝光率，改善民協形象，「讓我自己同埋民協顯得進取一啲」。施德來解釋因為「民協一路畀人印象喺民主議題上係比較保守嘅，甚至乎有位嘉賓主持係用怯懦個『怯』來形容『民怯』，所以我要係政治議題上顯得進取」，惟重申民協政治立場不變。
《香港國安法》指定法官李運騰問到民協在施德來的領導下變得更加進取？施德來澄清「我純粹係選舉論壇顯得進取，即使係2019年嘅社會運動裡面，民協都係用一個合法和平嘅原則行事。我哋喺個運動裡面，包括我自己，係冇一個成員係被檢控拘捕，呢個已經同其他民主派政黨有分別」，而「表達方式我係喺選舉論壇度係會表現得好強硬。」施德來在論壇上否認會「又傾又砌」，李官追問民協爭取手法是否更進取？施德來指「我哋會做但唔會噉講，亦都係我參與民協裡面，喺民協嘅成長裡面談判嘅手法。我係認同民協呢種談判手法，於是乎我一直留係民協，包括2010年支持政改，我當時係民協中委」。
施德來續指當時選擇了最熱門的議題財政預算案，故於論壇上有計劃地提及透過否決財案去爭取五大訴求，然而「我後面有講一句叫大家都要否決政府所有嘅議案，呢句本來無計畫講嘅」。施德來解釋當時「真係臨場一個壓力，所以我會想引用返，其實我聽咗胡志偉嘅說話、譚得志嘅說話⋯⋯要即場再諗得再進取一啲，而臨場爆肚噉樣講出來嘅」。
法庭記者：陳子豪
--
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
