民主派47人參與「35+」初選，涉嫌計畫立法會過半無差別否決財案被控，16人否認串謀顛覆國家政權罪。被告何桂藍今（19日）早於西九龍法院作供強調「如果我知道財政預算案入面成個審議程序有唔公義嘅地方，我必須要否決佢」，明言除雙普選外暫時想不出其他方法改變審議機制，「如果喺民主制度下，可以審議財政預算案，但仍然要否決我覺得講唔過去」。
大律師Trevor Beel主問下，何桂藍供稱如果當選的話，「一定會用盡每一個質詢每一個提修正案嘅機會，將財政預算案入面所有魔鬼藏細節嘅地方⋯⋯」《香港國安法》指定法官李運騰即插口問其假設當中藏「魔鬼」？何桂藍解釋選民利益之上尚有公眾利益，向選民負責並非其唯一責任，就算自己覺得財案內容無不妥，也必須確保所有議員亦盡責審議，然而強調「如果我知道財政預算案入面成個審議程序有唔公義嘅地方，我必須要否決佢」。何桂藍又舉《香港國安法》撥款為例，指當中有許多數字不清不楚，「冇數字冇比重，淨係話請咗人起咗樓」，而且毋須經過立法會審批，「無論佢攞幾多錢我都監察唔到」，因此無論撥款是否可取都應該否決。
李官問其意圖是否一旦當選，會因為國安撥款及現行機制的限制而否決財案？何桂藍深思後反指「噉我咪abuse of power （濫權）？唔審核就通過⋯⋯」何桂藍重申並非出於當中項目而投票反對，而是出於審議機制，指出立法會能過半也好，民主派也只是在野身分，只有否決權，無法落實政策倡議。何桂藍明言除雙普選外，暫時想不出其他方法改變審議機制，「如果喺民主制度下，可以審議財政預算案，但仍然要否決我覺得講唔過去」。
何桂藍指出立法會能過半也好，民主派也只是在野身份，只有否決權，無法落實政策倡議。李官指政策由行政機關制訂，何桂藍反駁其他地方制度中，行政機關首長出自民選，故質疑在野英文不應翻譯作「opposition」。李官籲其作供時三思而言，不要提出高深用字（big words）後一再更改。何桂藍提到昨日作供提及「實數」，惟翻譯英文後庭上使用了「figure」字眼，解釋認為意思比「number」略為廣闊，包含比重等意。李官打斷其發言時，何桂藍激動指「我唔係用緊big words，我係每一隻字都非常小心，因為我呢條罪係可以判終身，答錯一隻字都可以坐十幾年，所以如果機制佢唔係item，佢就唔係item，我必須要指出嘅」。
李官再次提醒何桂藍小心用字避免誤解，何桂藍反駁「每一隻廣東話嘅字我都講得非常清楚，但係翻譯用一個講法之後，法官又用另一個講法⋯⋯我以為法庭係一個用字非常嚴謹嘅地方，如果我認為一條問題有ambiguous （歧義）嘅地方我一定要問」。期間李官多番詢問「你說完沒有？」何桂藍指「因為我好憂慮呢個係一個偏見，如果噉樣都係為拗而拗呢個指控，我唔係好明係咩事」。何桂藍最後指「當我希望澄清嘅時候，我希望法官唔好有一個既定立場，就係我為拗而拗」。
法官陳仲衡重回正軌問道如其未曾了解財案內容前，是否不會斷言否決？何桂藍解釋「我理解在野嘅議員立場default係應該否決，直到行政機關說服到呢啲議員條議案係可以投為止」，如審議機制改變，投票立場亦會隨之改變。李官問即使有五大訴求，但如果審核機制不變，何桂藍是否都會否決？何桂藍指「我關注個審核機制嘅時候，我唔係關注個結果，我係關注個過程係咪公正」，即使落實雙普選後香港人選擇不改變議事規則及機制，何桂藍直言雖然會尊重港人決定，但也會投反對票並說服港人更改制度。
法庭記者：陳子豪
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
