現年29歲的TVB前小花「Sa姨」羅詠怡（Kosa Law）離巢後成為自由身藝人，近年亦有為ViuTV主持節目《長知昔》。羅詠怡今日（20日）在IG貼文透露，在拍攝期間遭賊仔偷走整個手袋，雖然警察最後成功緝拿犯人歸案，但羅詠怡電話、信用卡全部消失不見！
【相關閱讀】：張紋嘉獨居外婆遭爆格！金器全被盜損失六位數 質疑賊人已觀察多時
【點擊睇羅詠怡靚相】：
羅詠怡今日在IG貼相留言：「是咁的，我拍攝期間俾人偷咗成個手袋，明目張膽地偷……出個post報個平安先，拍攝途中知道我個袋唔見咗，幸運嘅係一報警就捉得返個賊，除咗卡同電話係貴重嘅（主要係入邊啲資料同埋相），其他嘢都幾乎攞得返。折騰咗成日心很累，仲要去補領好多嘢，都辛苦哂crew們！個南亞仔我會咀咒你全家😒」心情不佳的她還表示：「我今日唔做嘢啦！我放一日假啦！」
照片中見到羅詠怡站在街頭，旁邊有工作人員，以及警察和警犬，而她則扁晒嘴；另一張照片則見到羅詠怡與工作人員正在檢查尋回的手袋。J2小花陳欣茵留言說：「Omggg好彩無事！」有網民留言說：「手機啲相先係最貴，有錢都買唔翻。」羅詠怡亦表示：「好多我未P嘅相😭」另外有網民說：「咁癲？」羅詠怡則爆料有其他更癲的事：「現場拉到人其實都幾癲，佢仲要狂lur口水小恐怖😐」
有不少網民亦留言透露近日亦遇上劫案：「我朋友做二手名牌手袋店，上個月喺尖沙咀俾南亞人入舖攞咗幾個袋，冇咗幾十萬🤬」、「我早兩日，朋友放咗個袋向枱面走去玩，我咁啱返轉頭諗住睇住啲嘢，已經見到個男人喺度摷緊佢地啲袋，我大聲喝走咗佢。」同時有不少網民大讚警方的辦事能力：「好彩香港，喺外國打電話報警，會問你有冇受傷，如果冇，叫你claim保險，不會有警察來。」、「應該多謝香港警察的努力，否則香港既治安會……」
【其他文章】：
湯鎮業52歲前妻姜坤池邊罕晒長腿 皮膚緊緻魅力勝當年更添貴氣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
