頭條戲場丨《Barbie芭比》快樂地接受自己甩頭甩骨
Previous Next

好多人以為電影又粉又膠，糖衣電影笑完過癮完散場乜事都冇發生過。導演係《不得鳥小姐》嘅Greta Gerwig，點會咁簡單。場景同美術超靚，玩膠玩到言之有物，爆笑位多到數唔到，驚喜度10層樓咁高，片長兩小時非常享受。以為電影已經好精彩，估唔到討論區更癲，觀眾爭論戲中的男權女權劇情超有火藥味，芭比延伸系列一樣咁好睇。(上映中) 撰文:廖思慧
 

導演表示芭比樂園會融合所有不同色階的粉紅色，重點是在甚麼地方要用深一點的粉色？甚麼地方用淺淺的？
導演表示芭比樂園會融合所有不同色階的粉紅色，重點是在甚麼地方要用深一點的粉色？甚麼地方用淺淺的？
超夢幻睡床。
超夢幻睡床。
芭比的衣櫥
芭比的衣櫥
配合玩膠，水池當然冇水。
配合玩膠，水池當然冇水。
受電影《辣妹過招》橋段啟發，每逢週三都鼓勵劇組人員穿上粉紅色衣服。工作人員對此要求非常投入認真。
受電影《辣妹過招》橋段啟發，每逢週三都鼓勵劇組人員穿上粉紅色衣服。工作人員對此要求非常投入認真。

電影並非大路娛樂片，話佢係哲學片亦唔過份，好多家長帶小朋友去睇咪唔明囉?咁每個人都會有自己睇到嘅嘢，冇問題嘅。首先要讚Mattel，一間歷史咁悠久嘅大公司願意畀導演咁樣奚落品牌，唔只寸仲要狠狠地玩盡黑歷史，好癲。

Ken學人做大佬
一向完美的芭比(Margot Robbie飾)發現自己有口臭、腳踭踮地，大髀仲要有橙皮紋，最重要學人講死亡，人味漸濃，大驚下求助怪芭比，挑通眼眉，講嘢極Mean的她提議芭比去現實世界，搵返玩爛佢嘅主人搞返掂佢。由女人話晒事的Barbieland去到男人當道的現實世界，芭比尋靈魂之旅正式開始，導演亦好好利用陪芭比一齊走入現實的Ken(Ryan Gosling飾)，借呢位芭比陪襯品建構一個有嚴重男女衝突的麻煩世界。

芭比去到現實世界搵主人，撞正主人個口賤囡囡，寸爆𠵱家都冇人玩芭比。
芭比去到現實世界搵主人，撞正主人個口賤囡囡，寸爆𠵱家都冇人玩芭比。
Ryan Gosling自覺係Margot Robbie男朋友，所以陪佢去現實世界，沿途畫面勁得意。
Ryan Gosling自覺係Margot Robbie男朋友，所以陪佢去現實世界，沿途畫面勁得意。
Margot Robbie話畀其它芭比知，佢腳踭踮到地，仲要有口臭，大家都好驚訝。
Margot Robbie話畀其它芭比知，佢腳踭踮到地，仲要有口臭，大家都好驚訝。
全部都係芭比，包括總統芭比、醫生芭比、物理學家芭比等。
全部都係芭比，包括總統芭比、醫生芭比、物理學家芭比等。
芭比每朝起身，先向鄰居芭比揮手，然後刷牙、沖涼，日復日。
芭比每朝起身，先向鄰居芭比揮手，然後刷牙、沖涼，日復日。
《尚氣與十環幫傳奇》的劉思慕都係飾演Ken，拍住Gosling做膠事亦非常好笑。
《尚氣與十環幫傳奇》的劉思慕都係飾演Ken，拍住Gosling做膠事亦非常好笑。
基本上Ryan Gosling一講對白我就笑，因為真係好中二病，好鬼正。
基本上Ryan Gosling一講對白我就笑，因為真係好中二病，好鬼正。

電影有大量過癮致敬位，由《2001太空漫遊》到《阿甘正傳》再到《油脂》，玩meme式笑位亦相當多，如諷刺男人睇完 《教父》自覺好多體會，真心笑出聲。至於被觀眾鞭得最多的男女權都係面嗰浸，其實係講自己條命自己話事，男女都係，芭比主人Gloria(America Ferrera飾)嗰段摑醒芭比們的一番話值得流傳萬世，而芭比同芭比之母Ruth的對談亦非常重要，「就算自己個女都冇權亦冇能力去控制對方，只能留喺原地睇個女可以走到幾遠。」

Kate McKinnon飾演怪芭比，因被現實世界的小妹妹主人玩爛咗而命名。
Kate McKinnon飾演怪芭比，因被現實世界的小妹妹主人玩爛咗而命名。

以為甜耶耶，原來又Mean又辣又感動，笑位極多，Ryan Gosling黐鬼線爆Seed演出，接受自己唔完美真係咁難咩?

芭比同Ken着住80年代裝束去現實世界，又冇身份証，被笑被拉都好正常。
芭比同Ken着住80年代裝束去現實世界，又冇身份証，被笑被拉都好正常。
Ken發現現實世界嘅男人好有Power，掉低芭比立即回歸將Barbieland改頭換面。
Ken發現現實世界嘅男人好有Power，掉低芭比立即回歸將Barbieland改頭換面。

 

《星島頭條》新網站有更多精彩內容：http://www.stheadline.com/