星8卦｜「絕色」被「富佬」利用後即棄 「專業」蒲頭力追結良緣
試過幾次婚姻失敗，「絕色」終於開竅，唔再以嫁個有錢人為目標，開始搵一啲唔使搵好多錢，但又有社會地位嘅專業人士。話說之前嘅「富佬」一直有第二個，唔知點解對「絕色」生滋貓入眼，竟然搞到要公開戀情，其實係希望借「絕色」嘅名氣令自己人氣更高，結果「富佬」身家暴漲幾倍。問題係「絕色」只係佢枱面嗰位，全部私人聚會，「富佬」都係帶一位廿零歲嘅後生女喺身邊，聽講妹妹十年前已經跟喺身邊，樣靚身材正，而且愈養愈有貴氣，「富佬」同佢一齊直情有初戀嘅感覺。
可惜出身背景都幫唔到自己，於是要收埋喺屋企，亦唔畀佢出嚟見咁多人，費事見得太多花花世界心都野走佬。「絕色」幾十歲人以為自己真係好好命，殊不知只係一件工具，當然分手後「絕色」身家又倍增，完全無蝕底。
呢個時候「專業」出現，佢嗰位拍咗30年拖嘅女友一直等有結果，點知「專業」知道「絕色」回復單身，即刻叫「擦鞋仔」介紹，「絕色」對男人梗係有一手，好快就迫30年女友自動求去，以正印女友身份出現「專業」嘅朋友圈，聞說兩個人會秘密結婚，今次都係「專業」賺㗎，有個出名老婆肯定令佢事業更上一層樓，收錢收到手軟。
【相關文章】：
星8卦｜「嬌嬌」迫婚不成隨時俾「太子爺」飛 「男人婆」出現力追有着落
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
