環保署提出修訂《噪音管制條例》，建議包括禁止店舖及商販在公眾地方使用揚聲器叫賣，並設立定額罰款1萬元機制、調整最高罰款等。《星島頭條》記者今午（10日）到深水埗觀察，發現在鴨寮街與北河街一帶，多間商舖使用喇叭協助叫賣商品，例如花灑頭、電視盒子等，測量的噪音水平高達92分貝，亦有菜檔使用大聲公宣傳特價優惠、吸引途人注意。
有檔主認為叫賣屬地區特色和傳統，若罰則設為1萬元是「趕盡殺盡」，預計生意會減少7至8成 。亦有檔主質疑罰則太重，認為不應一刀切，若超出指定分貝可先給予警告，屢勸不改後才罰錢。
深水埗叫咪賣電視盒 店員：要靜咪去深水灣住
售賣電視盒子的職員陳生表示，現時已經「無乜生意」、「嗌都無人買」，笑指「呢到係深水埗，唔係深水灣，住得呢到、租金平就預咗㗎啦，你有錢要靜嘅咪去深水灣住！」他認為叫賣是鴨寮街的特色，不應被扼殺，若實施1萬元的罰則，他直言「咁真係執笠玩完㗎啦，我唔嗌咪，靠咩搵食？」
售賣花灑頭的檔主劉生則指，罰則勢令生意大減7至8成，指不用咪和喇叭難以向客人介紹產品，途人行過亦難以吸引他們注意。他坦言若有數十人圍觀，「如果就咁講，佢哋邊有心機停低係到聽我講，佢哋都會走啦！」他認為修訂建議禁止使用揚聲器叫賣、但可播放音樂或球賽，令人難以理解，反問：「點解播歌就得，叫賣就唔得？如果係噪音騷擾，你播歌都係騷擾到人。」他指若罰款1萬元太嚴苛，可限定某水平以上才算違規，會較易讓商戶適應。
市民梁生贊成罰款，認為公眾地方「成日開住個大喇叭嘈喧巴閉」很滋擾，直言「罰錢梗係好，罰到佢唔敢！」他認為1萬元罰則有阻嚇性，足以讓商舖「收聲」，減少對樓上居民的滋擾。對於有商戶擔心對生意影響，他認為「人哋係有心嚟買嘢，行過啱就買㗎啦，唔需要嘈住嗌人嚟買你啲嘢」，但亦認為罰款不需要一刀切，可先用儀器量度，超過某一個水平就給予警告，第二次再犯才罰錢會較合情理。
蔬果店店員吳生：大聲公叫賣是特色
據記者現場實測所見，一般街道上的聲量約為70分貝，而商戶叫賣的揚聲器附近則平均達83分貝，而最高更錄得92分貝，接環保署的準則，已相當於建築工地內破碎機運作的水平。
蔬果店店員吳生指曾收到嘈音投訴，但其後已將音量收細，不會播太大聲造成滋擾。他認為用大聲公叫賣是特色，最好能保留「傳統」，又指認為使用大聲公叫賣有助生意，比叫純「用口嗌」較能吸引顧客。但他表示若立例禁止也惟有「熄咗佢」，「唔通俾佢罰錢咩」。
居民支持修例：起碼唔會嘈住瞓覺
當區居民李小姐也表示，「周不時喺屋企都聽到嘈音，不分早晚都有」。她認為設立罰則有阻嚇性，對居民來說是好事，指做生意不需要靠叫賣，直言「路過想快啲離開嗰個噪音嘅地方」。另一居民伍小姐指平日在家中也受到嘈音滋擾，認為設立罰則也是有需要，對居民來說「起碼夜晚唔會嘈住瞓覺」。
記者：陳俊豪
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
