陳倩揚連續3年推出「減醣飲食法」系列著作，繼《低糖飲食生活提案》1及2後，今年再出食譜書《飽住落磅輕鬆煮 健康瘦身餐》，分享低醣飲食餐單，成為減肥達人的陳倩揚越來越有滿足感：「原來我嘅餐單對銀髮一族好有幫助，佢哋向我報喜，話醫生大讚佢哋嘅健康狀況穩定咗。」她預言明年會再出第4本。採訪：方騫平 攝影：羅安強 場地：The Stadium
陳倩揚成功減肥3年，體重Keep住110磅冇反彈。
倩揚出書想正大家對減肥嘅錯誤觀念，減肥唔使捱肚餓，唔使斷六親。
唔少師奶書迷，連銀髮族都追捧。
最重要有米落肚。
陳倩揚連續3年推出「減醣飲食法」系列著作。
擁有三子女的陳倩揚，自2018年誕下細女陳希桐後，體重達到140磅，為回復纖瘦挑戰「低醣飲食法」，最後用了3個月，輕鬆減走25磅，所以開心Share，吸引好多少女、媽媽及新抱成為書迷，連銀髮族都追隨，仲話健康漸趨穩定，倩揚好感動。
2018年陳倩揚誕下細女陳希桐後變暴肥，體重曾經超過140磅。
39歲陳倩揚是3子女之母。
當年倩揚分享「低醣飲食法」，冇諗過有咁大感染力。
每年倩揚都會到書店巡視，著作都會放喺當眼位置。
陳倩揚有好多書迷。
今年倩揚推出《健康瘦身餐食譜》，頭兩本著作連續兩年登上「暢銷書榜」。
倩揚親力親為做好每本書，包括影插圖。
被老公投訴食「報紙」
每次出書，倩揚均親力親為，由籌備到煮花足一年時間，她稱並非為賺錢，只為記錄健康瘦身概念：「我只想糾正大家嘅錯誤觀念，減肥唔痛苦，唔使捱肚餓，唔使斷六親，唔會冇飯食，我去日本旅行朝朝食一碗飯。」她認為生活同keep fit要取得平衡，唔應該翻天覆地去改變原有生活方式，亦唔使食貴嘢及刁鑽嘢，一般蔬菜系列都做得到，只要持之以恆，由少甜開始，再加適量運動，唔好去追磅數，不知不覺間就成事。
只要食得啱，陳倩揚唔怕食多少少。
倩揚分享容易食得到嘅健康瘦身餐單。
日本之旅仲朝朝有飯食。
有美味壽司。
色香味俱全。
以前倩揚曾用錯方法減肥，為咗低升糖,，一下子將白米轉成十穀米，被老公陳浩然投訴食「報紙」，至今仍不時重提！經驗之談要循序漸進，她堅持減肥唔係要戒澱粉質，而係要認識對健康有益的低升糖澱粉質，建議用薯仔、番薯、淮山等取代一半白米，甚至將三分一白米換成藜麥、糙米等。
陳倩揚同老公由加拿大返港渡假，之前去咗澳門睇郭富城演唱會。
同老公相識20年，形容兩人嘅感情比檸檬茶更豐厚，㗳落有甜味。
倩揚經常做講座分享減肥心得。
老公會從旁協助倩揚，兩公婆一條心。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
