本港疫後經濟復甦不似預期，為吸引遊客重臨，財政司司長陳茂波指，短期內把香港的夜市搞活搞旺。對於夜市經濟構思，前財政司長曾俊華今日（20日）在社交平台發文表示支持，但需要天時地利人和的配合，籲政府留有空間讓市民發揮創意，「先至會有生命力，先至會有人氣」。
曾俊華憶述，以前香港是不夜城，大家早已習慣去夜街，他亦會與太太行夜街拍拖，「有時會行去油麻地廟街，冬天就最愛食個熱辣辣、香噴噴嘅臘味煲仔飯、或者去食嗰啲好有鑊氣嘅小炒。有時就會去女人街附近行下，買下日用品」。
他續指，食飯行街後，就會到戲院睇場午夜場，「最記得以前喺開場前，戲院門口都熱鬧到不得了，有好多美食賣，熱蔗喇、燒魷魚喇，魚旦仲有牛雜，我同太太都好鍾意拮番兩串先入場。」
曾俊華懷念香港不夜城：
曾俊華慨歎，一場疫情加上串流平台迅速發展，已改變香港人「夜蒲」習慣，「依家大家都好似習慣咗早返屋企，街上好多食肆店舖，夜晚十點就閂門，連以前人來人往嘅女人街都冷清咗好多，真係好可惜。」
要成功搞起夜市，曾俊華認為需要配合天時、地利及人和。他解釋，除有合適地點及較寬鬆的政策外，亦要讓民間發揮創意，「先至會有生命力，先至會有人氣」。
更多內地各省夜市地攤照片：
陳茂波早前網誌指，本港踏入下半年旅遊業復甦有加快趨勢，上月訪港旅客約360萬人次，按月增加逾三成，其中內地和東南亞市場恢復較快。不過他指出，內地旅客消費習慣已改變，由以往購物為主改為參與文化、藝術、展覽活動、觀賞大型演唱會等。
他認為，要捉緊機會推動旅遊業朝多元、高增值、可持續方向發展，短期內還要把香港的夜市「搞活搞旺」，保持復甦動力。
相關文章：
中環街市兩年吸2600萬客 人流急升八成 下月辦啤酒節推動夜市
林健鋒倡夜巿於空置校舍舉行 暫緩樓市辣招吸引人才
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
