獨家丨《東周刊》直播馬賽靠研究中醫自救重提9年前艷舞風波患抑鬱獲古天樂鼓勵

2014年前港姐馬賽捲入艷舞風波，爆出與內地製片人汪子琦同性戀情，二人一同歐遊並被拍得於上海攬啜，馬賽被指介入汪子琦與富婆Laura婚姻中做「小三」，令她形象插水即被無綫雪藏，最終返回內地發展。現長居北京的馬賽日前快閃返港，前天應東周刊副社長BilIy(黄庭桄)邀請接受直播獨家訪問，期間重提9年前嘅黑歷史說：「過去咗嘢及人唔想講太多，但，人性嘅嘢我學習咗好多，當見識到人性最壞嘅時候，就會更珍惜所有溫暖、友善嘢。」

前天馬賽應《東周刊》副社長BilIy(黄庭桄)邀請做獨家直播訪問，同場還有曾醒明(曾爸爸)。

直播中馬賽對住《東周刊》副社長BilIy及曾爸爸無所不談。

馬賽對以前發生過嘅事唔感後悔。

昔日嘅經歷令她快速成長。

由無知𡃁妹漸變成熟。

當天還有神秘嘉賓前無綫企業傳訊部宣傳科副總監曾醒明(曾爸爸)，曾爸爸由港姐開始睇住她長大，馬賽見到曾爸爸即感動爆喊，因為2014年7月面對事業低潮時，曾爸爸陪伴她開記者會。曾爸爸好記得，當時馬賽喺記者會門外表示驚慌顫抖，為咗派定心丸，他就毫不猶疑拖住馬賽步入會埸，翌日竟然大幅入鏡成為頭版新聞。

馬賽感激當日仍陪伴著她嘅每個人，包括曾爸爸。

曾爸爸以神秘嘉賓身份忽然亮相給馬賽驚喜。

馬賽開心到流出眼淚。

場面感人。

珍惜相見機會。

經歷咁多，令馬賽好容易喊。

當年大型特備統籌科經理Rosa(陳紫蓮)榮休，曾爸爸要兼任管理港姐事務，經常陪同港姐馬賽出席公開活動。

因為2014年7月面對事業低潮時，曾爸爸為給她定心丸拖住她入場開記者會。

記者會上馬賽哭了3次，成為淚人。回憶舊事，馬賽亦深覺自己處理未成熟，智慧唔夠，唔應該俾情緒掩蓋件事，但當時覺得自己好委屈：「之後去咗英國遊學遇上前輩古天樂，連佢都問我『點解會喊？』而藝員科高層樂易玲就送嘉玲姐(劉嘉玲)危機兩個字俾我，佢話『危機危機，有危有機。』其實當時我視為危，冇把握好個機，經此一役係個好大嘅成長課題，人生好神奇，更感恩當日留喺我身邊嘅每個人。」

記者會上馬賽度狂哭。

她直認控制唔到情緒，感覺太受委屈。

離場時向記者合十致謝。

喺馬賽開記者會前後，曾爸爸都一直陪伴在身邊。

當年樂易玲有提示馬賽如何走出困局。

古天樂唔明白點解馬賽要喺記者會上嚎哭。

劉嘉玲明言，有危自有機，做人要淡定。

當年馬賽成為傳媒追訪對象。

因為唔識處理經常淚汪汪。

唔後悔過往經歷

Billy追問她會否想抹走當年事？馬賽卻說不用，因為咁樣，才變咗一個更加有智慧嘅人：「其實當年我喺社會乜都唔識，TVB係個好好嘅木人巷，嗰兩年令我好快咁成長，加上之後返咗內地發展，由低開始做學會好多，所以冇後悔做過嘅任何嘢，反而愧疚冇好好把握TVB栽培，但我相信自己能變成一位更好嘅藝人。」

當年馬賽被指做「小三」，介入汪子琦與富婆Laura婚姻中。

「小三」之名令馬賽形象插水。

馬賽曾陪汪子琦歐遊。

當年馬賽微博洩密曾去歐遊。

馬賽背住富婆Laura暗撻汪子琦。

當年馬賽好進取，常着低胸裝現身。

對於當年愛情路上崎嶇關口，馬賽自言過去咗嘅嘢及人都唔想講太多：「人性嘅嘢我係學習咗好多，反而會感激有咁大嘅低谷經歷，因為自港姐開始就好順利，出道僅3年就奪得『飛躍進步獎』，得到好多人愛錫及照顧。事件後令我可以反省自己，原來嗰段時間自己係有少少自大，明明係個唔識嘢嘅𡃁妹，反指人哋判斷係錯…」

馬賽係2008年港姐季軍。

2011年無綫台慶頒獎禮，歐陽靖和馬賽分別奪得「飛躍進步男女藝員」獎項。

劇集《名媛望族》拍住力捧嘅吳卓羲演出。

同年跟小花鍾嘉欣合作拍劇集《九江十二坊》。

馬賽和小生蕭正楠拍過劇集《神探高倫布》。

劇集《耀舞長安》中有胡杏兒、陳自瑤、馬賽演出。

研究中醫抗抑鬱

嗰次打擊令馬賽患上抑鬱症，冇晒精神，瞓唔到覺，要食西藥治療，之後開始信佛及研究中醫「救自己」。她分享經驗之談：「原來捱夜、捱凍陽氣不足，身體變差更易有唔好嘅思想，故要Keep住保暖、飲暖水、唔好着咁少衫、要曬多啲太陽、親近多啲大自然及有足夠睡眠，要養成良好嘅生活習慣，順時生活好重要。」結婚4年，育有4歲囡囡Camellia嘅馬賽生活幸福：「𠵱家調整個人心態，每日都好感恩，所以淚點都變得超級低。以前身在福中不知福，直至去到最低潮時先睇到自己嘅位置。喺最黑暗嘅日子，我會寫感恩日記，記下一啲小確幸。」