香港體操隊將派出8人出戰杭州亞運，由於兩屆亞運跳馬金牌石偉雄，為明年巴黎奧運，毅然選擇世錦賽唔去杭州，更突顯今次係新人上位接棒機會。
除了吳翹充、黃曉盈兩位師兄師姐，亞運團隊還有詹文軒、吳家祺及陳卓琳3位師弟師妹。吳家祺近年與石偉雄情同兄弟，他表示師兄石仔建議他調低期望，放鬆心情發揮最佳水準。
陳卓琳（右）同師姐携手出戰杭州亞運。
吳家祺（右）同師兄石偉雄感情深厚。
師姐妹都咁cute
香港體操兩代天使
石仔揀世錦賽唔去亞運
吳家祺（中）畀兩位師兄石偉雄（右）同吳翹充夾實。
港隊總教練熊松良表示，吳家祺、吳翹充及黃曉盈都有力爭亞運獎牌。家祺早前在亞錦賽跳馬得第7，但初戰亞運仍要時間消化：「石仔建議我將期望擺到最低，只要發揮到練習水平便可以。亞運前我會留港練習，調整至最佳狀態。」
21歲師妹陳卓琳同樣初戰亞運，她說等足5年終於圓夢：「5年前落選我在旁邊哭泣，但不放棄堅持到底，今次終於到我。早前世大運頸傷已無大礙，會留在港一邊訓練一邊治療，以闖入平衡木決賽為目標。」
亞運港將介紹
吳家祺
99年出生，體操港隊新一代主力，與師兄石偉雄一樣以跳馬為主項。家祺今年參加了亞洲體操錦標賽及世界大學生運動會，吸狀大賽經驗，初戰亞運以闖入跳馬決賽為目標。
陳卓琳
21歲的陳卓琳是去屆全港競技體操公開賽自由操、平衡木及個人全能金牌，加入港隊11年，早前在世界大學生運動會受傷未能出賽，現時正積極治療準備首次亞運舞台。
李冠緯
體操隊首次派員參加亞運彈網賽事，3位選手是李冠緯、賴舜熺、劉潔瑩。李冠緯表示初次去亞運，賽前會再集訓增加穩定性，希望此行為彈網運動員帶來奮鬥動力。
記者 陸永鴻、吳家祺
_____________________________
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
