成功捧紅薛影儀，為阿儀推出處女單曲《1加1等於阿儀》嘅亞洲心動娛樂(AMM)，將投放7位數字資源(百萬港元)籌組成立一隊6人女團「心動女孩」（JARA)，並會在港、台兩地進行選秀面試發掘有潛能新人，成軍後將會被公司力谷，有機會在香港、大馬、台灣3地發展。據知，公司決定轉陣重本力捧新人，全因「一姐」薛影儀唔爭氣，被損友帶壞後玩到失晒控，又不時獲損友安排在應該收錢的商業活動中做「義工」及做免費銷售工作，公司屢勸不聽，阿儀慘遭被放棄。
林寶玉和阿儀年前已由亞視轉投AMM。
除「最索經理人」林寶玉係AMM旗下猛將外，原先老闆賴彩雲都幾錫阿儀。
之前林寶玉和阿儀到台灣為女團「心動女孩」選秀節目做嘉賓時，所見台灣區參賽者都好年青。
亞洲心動娛樂發展得越來越大。
薛影儀處女單曲《一加一等於阿儀》MV推出4個月，累積點擊率近200萬。
薛影儀第2首單曲《爸爸爸爸我愛你》上架兩個月，收看人次逾40萬。
港台參賽者夠年輕高質
提到「心動女孩」選秀面試，林寶玉透露，在海量香港區參賽者中不乏高質素人，其中21歲貌似出爐港姐冠軍莊子璇嘅Ella笑容甜美，唔止懂得跳舞及自彈自唱，更加有學識，係大學三年級學生，Ella在面試時候挑戰高難度玩清唱，聲線穩定而且高音準，好有壓台感，才華橫溢。另一位擁有高學歷嘅印度混血兒，跳起舞來柔軟有勁也相當吸引。之前林寶玉帶住阿儀飛到台灣為女團「心動女孩」（JARA）選秀節目做嘉賓時，所見台灣區參賽者都係跳得之人，而且有唱功，加上青春無敵，年紀最小16歲的吳宇涵係讀戲劇科班，從小學鋼琴，目前開始嘗試作曲，擅跳街舞，質素唔差，最大參賽者亦得24歲。
港區Ella貌似出爐港姐冠軍莊子璇，同樣21歲。
「翻版莊子璇」Ella唔止高學歷仲唱得吓。
出爐港姐21歲莊子璇笑容甜美。
莊子璇身材都唔錯。
印度混血兒港區參賽者，跳起舞來柔軟有勁也相當吸引。
台妹參賽者質素幾高。
台灣參賽者16歲的吳宇涵係讀戲劇科班。
新人助促進娛樂文化
另外，《星島頭條》記者就阿儀被AMM放棄傳聞向林寶玉求證，她巧妙回應說：「娛樂圈每個時段都會有新人出道，提拔更多新人可以促進娛樂文化，呢樣都係我哋嘅責任。」當記者追問阿儀最近嘅表現係咪令公司失望時？林寶玉卻大耍太極，有所保留說：「公司都會視乎每個藝人行為表現，會作出適當溝通同處理。」
阿儀最近跟黃榕在內地一個水上樂園狂歡。
阿儀濕身現晒形。
仲扮埋小丸子做商鋪「義工」。
阿儀又無嗱嗱自爆玩暗戀公司高層。
林寶玉除係「最索經理人」，捧人都有一手。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
