現年70歲的TVB總經理（節目*容營運）曾志偉日前在台灣動刀做動脈瘤微創手術，因需要覆診而在當年逗留兩個星期，不過期間卻傳言四起，先誤傳他即將離開TVB，他雖然剛完成手術亦隔空現身。近日又再瘋傳曾志偉被查出，已入股緬北詐騙集團，執法機關證實消失不實，曾志偉亦急發聲明澄清。今日（3日）曾志偉下午從台灣飛返香港，約在下午4時親自見傳媒回應事件。
【相關閱讀】：曾志偉否認入股緬北詐騙集團 透露明返港親自回應事件
【點擊睇曾志偉返港】：
16:12 曾志偉見傳媒後，讓記者拍照後離場。
16:11 曾志偉表示有睇港姐，對於港姐司儀劣評，他笑說：「好嘅，畀人知道靚仔未必做到司儀。靚仔有靚仔好，三尖八角有三尖八角好。」有記者問到曾志偉是否明天上班，曾志偉說：「你聽日嚟唔嚟吖？你聽日嚟我嚟。」似乎明日星期一將會正式復工。
16:07 曾志偉強調冇做詐騙集團：「我喺台灣，點會拉咗我呢？由於我喺TVB有職位，所以要澄清；而家有太多假新聞，多容易做。」對於傳聞發生：「我真係唔知，呢啲間唔中都有，但呢啲牽涉到詐騙，呢啲我就最憎。」並表示會查根究柢，查出源頭。
16:05 曾志偉被問到何時復工，他說：「復住先啦，重要啲咪準時返工囉……」又透露現在有事可以用zoom解決。問到辭職傳聞，志偉笑說：「我畀咗幾封，佢掟返轉頭。」
16:01 曾志偉指身體狀況進步良好，住院五至六日，表示前日返醫院做身體檢查，主診醫生對情況亦好滿意；並指早就預算做手術；手術位置在肚臍下面的主動脈，又笑說：「唔做就以後『唔使做』，冇得避，必需要做。」並表示要休息兩三日，改善生活習慣，要早睡早起、少飲酒：「踢波都得，同阿倫（譚詠麟）踢就得。」指手術後，指數「靚仔到不得了」，返台灣做亦是因為可以與家人放假。
15:58 曾志偉步出閘口，娛樂新聞台主播潘盈慧為曾志偉送上鮮花。
【點擊睇曾志偉陷緬北詐騙失實傳聞】：
【其他文章】：
TVB記者會丨許濤轟失實報道或影響股價交執法機關處理 曾志偉手術後隔空現身
曾志偉最新近照曝光！「旅遊達人」項明生台北巧遇獎門人 氣色紅潤面露招牌笑容
曾志偉被指將離任無綫 TVB發聲明澄清不實傳聞：保留法律追究權利
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
