2010年港姐冠軍陳庭欣（Toby）與坐擁10億身家的彩豐行老闆楊振源（Benny）拍拖五年，早已見家長。9月7日本港因黑雨導致多區水浸，其中黃大仙站及黃大仙中心更變成澤國，陳庭欣的男友的店舖同樣受到影響，其中一間分店就在被沒頂的黃大仙中心地庫，身為半個老闆娘的陳庭欣，日前在社交網的限時動態貼出兩張照片，見到店內滿佈泥濘，貨品包被浸爛，損失嚴重。
【相關閱讀】：陳庭欣攜男友外遊證地位穩如泰山 懶理多次疑偷食傳聞繼續放閃
【點擊睇陳庭欣男友店舖損失】：
楊振源開設的個人護理及護膚品店，昨日（11日）在公司的社交網貼出告示：「因受到極端天氣情況水災影響下，黃大仙北館分店受到嚴重損壞，目前黃大仙分店需暫時停止營業直至另行通知，現正進行內部工程，將會以全新面貌與大家見面！對客人造成不便，深感抱歉，停業期間，請大家可前往我們其他分店繼續支持我哋，希望能會盡快為大家再次服務，謝謝！」不少網民關心損毀貨品的處理問題，留言問道：「請問啲貨會丟咗佢定點？」、「丟咗真的很浪費」、「其實不用丟，不如派出去」、「其實目測貨品密封包裝，裏面冇壞，可以免費放在門口給人」、「或者如果丟的話可唔可以講丟去邊？」等。
最重要人無事
陳庭欣回覆《星島頭條》表示：「未知搞到幾時先可以重開，大家都見嗰個位幾咁誇張，仲要成層，除咗我哋其他人都應該有排搞，善後要工作人員同商場工作人員去處理，具體安排都要等商場安排。但煩吖嘛，無咗啲貨，無晒舖頭裝修，無咗啲營業額，仲要畀租，係煩呢啲嘢。」粗略估計損失七位數字，至於保險賠償問題，陳庭欣表示：「我諗所有商舖都有買保險，至於賠幾多真係唔知。」陳庭欣唯一安慰是當日已過營業時間：「最重要都係人無事，所有客人都無事，好彩嗰陣商場關咗門。」
基本上全報廢
《東張西望》曾派員到商場拍攝災後情況，其中一商戶負責人受訪，大表無奈說：「滿目瘡痍，比想像中更差，基本上係Total loss（報廢），入面全部都係泥、水漬，而裝修、貨架唔可以再重用，都要再重新裝修過，（損失）過百萬。依家同商場嘅租務部傾緊之後嘅安排，之後嘅安排可能會有啲免租期，有啲時間畀我哋去重整返。」
【其他文章】：
陳庭欣讚《東張》主持拍鼠患問題夠勇 聞「富貴港姐」梁家琪擲2千萬買樓：甘拜下風
思家大戰丨陳庭欣率「東張女神」集體露膊 玩香肩人浪大騷曲線美
盤點5位越戀越富貴女星！前TVB花旦由男星戀到富二代 前港姐傳第二春是百億富商
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
