有「最美艷星」之稱的52歲鄭艷麗近年飽受病痛纏身，健康情況反覆的她本月初苦呻身體轉差，大部份時間均在屋企及醫院度過，甚至一度放負道：「日日都要咁痛苦地度過，我唔知我可以撐得幾耐。」相隔約星期，鄭艷麗再度自爆被送院留醫，惟今午（3日）她出Po透露被院方「投訴」！
【相關閱讀】：52歲鄭艷麗飽受病痛煎熬再度入院 月初自爆經歷「死去活來」感痛苦
【點擊睇鄭艷麗被投訴】：
鄭艷麗前晚（20日）在社交網上載一張醫院環境照，當時疑躺在走廊病床上輪候入病房的她，正注入點滴並接上監測心跳的儀器，令不少網民大感憂心。事隔不足兩日，鄭艷麗再次發文報平安，雖然一度被護士「溫馨提示」勿拍照，但她卻懶理繼續晒醫院餐照：「哎呀！都係啲記者唔好，比（俾）姑娘發現我影咗醫院的照片、叫我唔好再影、今日又影咗啦！因為我想講醫院啲嘢食真係好好味、好健康。我已經好番好多啦！謝謝大家的祝福和關心。」
相中所見，醫院午餐有碎雞肉粥、特色葡國雞及菜，相當豐富，網民睇見她胃口不錯都安樂晒：「記得食飽啲，養好身體」、「要食多啲補充營養」、「心情好啲，都快啲康復」等，鄭艷麗亦難得回覆大家：「身體好番，心情梗係好啦」、「我都想唔好再入醫院」。
厭食暴跌至90多磅
鄭艷麗參加TVB《1988銀河接力大賽》贏得女主角組冠軍後入行，之後加入電影圈拍下多套經典三級片，並曾到台灣發展，不過自2010年短暫復出後又再息影，早年曾被拍到在快餐店工作。
早年患上厭食症的鄭艷麗，體重一度暴跌至90多磅，去年9月最嚴重時更被送入深切治療部（ICU），據稱是因身體電解質過低所致，由於健康問題無法像正常人天天上班，以致她經常轉工，直到今年3月經朋友介紹到一間私房菜工作，幸獲老闆娘及同事體諒，當時她說：「我諗我而家應該可以做到退休，唔使再成日轉來轉去啦！」無奈近月因身體轉差而頻頻進出醫院。
【其他文章】：
52歲鄭艷麗病情轉差晒瘀傷呻痛苦 曾患厭食症暴瘦入ICU：唔知可以撐幾耐
52歲艷星鄭艷麗返工每日狂嘔 好老闆一個舉止極有愛 近年健康堪憂曾患厭食入ICU
盤點6位近年暴瘦女星！鍾欣潼頸部失蹤1年變排骨胸 港姐冠軍變紙片人頭大身細
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
