舞台劇出身的劉雅麗從小到大飽受皮膚問題困擾，雖然曾經試過歌影視三線發展，但可惜皮膚問題成為她的絆腳石。最近劉雅麗在YouTube開頻道，日前在直播上亦曾分享這話題，劉雅麗坦言自己18歲開始「狂爆瘡」，一度連照鏡都嫌自己太醜樣，幸好最後在醫生的診症下找出原因，再加上琦琦的幫助，總算令情況控制下來。
【相關閱讀】：盤點爆家醜藝人丨天后奶奶控親生女家暴申請禁制令 最美港姐季軍為母孭巨債斷絕關係
【點擊睇劉雅麗「凹凸洞」問題】：
當年演藝學院畢業後，1990年加入香港話劇團做全職演員，到了1992年因《我和春天有個約會》而一鳴驚人，成名背後，劉雅麗壓力變得加大，日前劉雅麗在YouTube開直播，她坦言多年來最擔心就是皮膚問題：「而家嘅我皮膚都唔算太大問題，瑕疵好似少啲，但係我喺14、15歲開始，額頭位、唇邊位生暗瘡，直到17、18歲我入演藝學院，可能因為休息時間唔夠，情況變得幾嚴重，嗰陣成塊面爆發痘痘，爆得好緊要，完全無可救藥。人哋話18歲最靚，我係18歲最最最最最最最醜樣，成面都係火山窿；我個童年陰影係，一照鏡就瞇起對眼，覺得自己太醜樣，我唔想咁清楚望到自己個樣。」
身邊人開始介紹不同方法
劉雅麗稱當時身邊人開始介紹不同方法，「有人叫我去美容院做facial、針清、戒口，唔好食煎炸油膩嘢同牛肉；另外有啲人叫我唔好化妝，因為化妝會令到皮膚更加差；有啲人介紹中醫......最得意係有次我搭巴士，有個男人拎住公事包，佢行埋嚟遞咗張醫生紙畀我，佢就話：『我係醫生，呢個係抗生素，你去藥房買。』雖然佢真係好好呀！但其實我又好煩，個個都講唔同方法，但係我唔知試邊樣嘢好，唯有樣樣我都有去試。」
【點擊睇劉雅麗昔日演出 】：
劉雅麗坦言當時治療過程很辛苦，最初係去美容院做facia，之後再向中醫求診，「佢會用支電筒射住我塊面，又開五顏六色、大大細細嘅丹，點知真係work喎，食咗一輪，塊面係減少咗好多好多，但係有副作用，會手震。食咗兩、三個月，醫好咗一輪，但後尾又爆過，我再翻睇，點知再食佢啲藥就冇反應，我就停止再睇佢。」接着她又試過各種方法都對抗不了面上的暗瘡，最後劉雅麗嘗試看西醫，發現因內分泌失調而令荷爾蒙過高，醫生開了避孕藥及另外一款藥給她：「呢兩隻藥丸，save my life，我終於搵到方法，最重要當然係搵到生暗瘡嘅原因！」
叮囑大家每天都要搽防曬
雖然劉雅麗成功控制的暗瘡，不過臉上仍有不少「凹凸洞」，幸好任達華太太琦琦介紹一位新加坡醫生給她‧：「呢個醫生一個月嚟香港3日應診，呢個醫生用磨皮機，磨完出嚟成塊面都好紅，紅到好似包青天咁‧，大約3日會退到7、8成，跟住會甩皮，其實係一個換膚療程，新生出嚟嘅皮膚會靚啲，但係對層嘅『凹凸洞』好難去填，所以對我嚟講只係好輕微幫助。」後來琦琦再介紹護膚品給她，直到2007年左右與美容院合作，成功填補「凹凸洞」，劉雅麗叮囑大家每天都要搽防曬。
【其他文章】：
頭條獨家丨劉雅麗又被家屬力斥大話連篇 發表感恩論指有夾份辦父喪事
獨家丨包曉華否認私吞帛金焫着四太 兩房聯手反擊怒轟劉雅麗母女大話連篇
頭條獨家丨劉雅麗火滾:令爸爸唔可以安息 家屬不滿私吞帛金拒領骨灰爆大鑊
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
