《中年好聲音》冠軍得主周吉佩（吉吉）今日聯同三十多位吉S粉（粉絲暱稱）到社區中心探訪長者，並即場唱經典歌，還大派禮物兼逐一拍照，氹得長者們笑騎騎，仲大讚周吉佩好靚仔。雖然周吉佩獻唱時，遇上音樂突然停頓，但他即時執生清唱，認真醒目。
【相關文章】：周吉佩離職後新動向曝光 計劃創業做一事被老婆開條件
【點擊睇周吉佩探訪長者】：
周吉佩表示成立歌迷會並不想只為聚會，反而希望能夠行善，但好開心在本月8日生日前完成首個生日願望做到公益活動，他說：「第二個願望係聽日（5號）推出新歌《你是我唯一的》，好感觸睇到公司推出呢個宣傳，我都喊咗少少。因為相隔十幾年再出歌，2023年係我一個大轉變好夢幻。」周吉佩坦言對上一次推出個人歌曲已是15年前的事，雖則參與樂隊時有創作歌，但今次純粹個人出歌，所以覺得堅持同付出多年，終於有少許回報，亦未想過今年的轉變能夠吸納多人去做這件事，推出新歌粉絲還比他更緊張。
周吉佩坦言會期待出席頒獎禮
談到可會期待出席樂壇頒獎禮，周吉佩坦言會期待，但不會期待獎項方面。他說：「我能夠呢個年紀出到新歌，又喺生日前出歌，已經係一份好大嘅禮物！獎項對我嚟講係Bonus，參與到已經好開心。」周吉佩又指太太幫助他很多，除了處理歌迷會事項亦為安排服裝。當笑問會否加家用？他笑說：「全份糧畀晒佢，留返少少畀我，份糧由佢安排。」談到獲得不少長者讚他靚仔，周吉佩笑指一班公公、婆婆想不到另一件事去讚他，但有位長者跟他說有追看《中年好聲音，他說：「佢話睇到我得獎時都喊，我無諗過一個節目嘅觀眾層面去到咁犀利！有個102歲婆婆都㖗詩我聽都話有睇我，令我好感動。」談到獻唱時遇上音樂突然停頓，周吉佩笑言過往在商場演出也不時會遇到，就算有人點歌不懂唱也要清唱。
【其他文章】：
開學日丨廿四孝爸爸周吉佩揸車送囡囡返學 讚女兒大個女懂得幫手做家務
周吉佩送女返學後獲粉絲安排巴士送機場出埠 太太為一事準備開光銅錢護身
周吉佩同前港姐老婆水中激吻放閃！ 曾自爆結束七年分房瞓生活 同牀反而唔慣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
