客隊熱刺自新領隊普斯迪高古上任以來，一改以往防守反擊嘅戰術作風，打造一支全新的白百合。Reuters
英超第8輪，盧頓主場對戰熱刺。盧頓升上英超後，球隊實力和質素暫時跟其他隊伍仍有一段距離，幸好前一場贏愛華頓取得首勝，不過上周中遇上英冠老對手般尼就3分全失。加上球隊今季7場英超賽事只得6個入球，當中前鋒卡爾頓摩利斯一人已包辦3球，不過有2球都係12碼。
盧頓聯賽主場戰績差，暫時未贏過波，今仗將面對今季未嘗一敗嘅熱刺，相信非常吃力。
客隊熱刺自新領隊普斯迪高古上任以來，一改以往防守反擊嘅戰術作風，打造一支全新嘅白百合，由中場占士麥迪臣派牌策動，增加前線創造力，加上左右閘位烏杜治和柏度樸路都有組織能力，幫助前線狀態大勇嘅孫興民入波。全攻型嘅熱刺，同時令球隊後防壓力銳減，今場球隊只要贏波，就可以坐上榜首，相信熱刺不會放軟手腳。佩芝
-----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
