曾填寫陳百強《一生何求》、葉蒨文《祝福》、林子祥(阿Lam)《千億個夜晚》及梅艷芳《烈燄紅唇》等經典好歌的著名填詞人潘偉源，神隱15年後，於去年悄悄出山，為歌手歐信希首隻單曲《神挑合侶》填詞，潘老師承諾好歌陸續有來，更罕談跟巨星合作的軼事。採訪：方騫平 化妝及髮型：Chan So Kit、Chris Cheng@AVEDA IL COLPO Platinum(歐信希) 場地：咪走雞葡國餐廳
名填詞人潘偉源去年出山，為歐信希首隻單曲《神挑合侶》填詞。
潘老師係詞壇瑰寶。
潘老師承諾好歌繼續有來。
阿希指唱潘老師嘅歌都有壓力，怕會唱衰首歌。
歐信希頭炮單曲《神挑合侶》係潘老師出山之作。
屢獲填詞獎的潘偉源是首位靠寫應徵信，得到填詞機會的填詞人。
年青時的潘偉源曾獲風行唱片創辦人鍾錦沛提拔，除為亞視劇集《蝴蝶血》填主題曲外，更帶他去海洋皇宮夜總會見「世面」，當年唔係個個人可以讀到中學，所以填嘅詞最好簡單易明，奠下填詞風格。
1988年潘偉源為《林子祥創作+流行歌集 》影內頁相(阿Lam前面)，之後獲阿Lam送贈名貴LV銀包。
潘老師作品有梅艷芳《烈燄紅唇》。
鄺美雲《再坐一會》。
張國榮《不怕寂寞》。
鄭少秋《從不放棄 》
張學友《餓狼傳說 》。
阿Lam之前喺演唱會中「尋人」搵著名填詞人潘偉源。
直至40歲初為人父，他決心放棄教職培育兒子成材，絕跡詞壇。直至去年風行第二代接班人鍾慧慧(MiMi)誠邀他為旗下歌手歐信希的新歌填詞，經一餐飯的溝通，寫下歐信希的頭炮歌《神挑合侶》，潘老師解說：「講同性或異性點解可以走埋一齊，係上天嘅安排，骨子裡係一首大膽嘢，𠵱家世界唔同，取向及選擇好自我。」追問是否為歐信希「度身訂造」？阿希即強調唔關事，稱歌曲表達世界大同，不怕被誤會。潘老師補充：「阿希如同幸福使者，成日唱婚宴撮合唔同愛侶。」
歐信希嘅《神挑合侶》係唱出同性或異性能走埋一齊，是上天的美好安排。
年青時的潘偉源曾獲風行唱片創辦人鍾錦沛提拔，去年風行第二代接班人鍾慧慧(MiMi)誠邀他為旗下歌手歐信希新歌填詞。
明年70歲的潘偉源，於40歲時才得獨子，故專心留家湊仔。
潘偉源為咗兒子放棄工作。
睇住兒子健康成長，潘偉源唔後悔當日嘅決擇。
潘偉源做咗湊仔公後絕跡詞壇。
潘偉源曾教中、小學。
潘偉源之前出席發燒唱片展。
讚甄妮胸襟廣闊
潘偉源曾跟好多巨星合作，當年陳百強接到《一生何求》歌詞後，即扭晒計致電：「老師：點解寫到我咁老(心境)？」為怕丹尼仔唔唱會白費心機，他唯有耐心解畫：「唔係一生冇求，壯年才有能力去尋求。」幸而過到關。另外潘老師又大讚甄妮胸襟廣闊，當年係大紅人都唔介意唱《舊舞衣》，當中有「殘舊舞衣 似一生變遷」等唔老黎歌詞，證明她好有自信，而老師眼中的甄妮亦是溫柔體貼的女人。
1989年推出的《一生何求》大受歡迎，潘偉源亦攞到當年《十大勁歌金曲》「最佳填詞獎」。
當年紅爆嘅甄妮唔介意唱歌詞落泊嘅《舊舞衣》。
潘老師自覺欠甄妮一首hit歌。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
