顧客在超市買蛋時拆盒調換靚蛋的短片不時在網上流傳。一名穿露背連身裙、打扮貴氣的婦人早前在超市買蛋時，便被拍攝到懷疑擅自打開蛋盒調包，實行以貌取蛋，雞蛋隻換隻。
貴氣婦人以貌取蛋逐格睇 ＋ 網民火滾回應↓↓↓↓
拿起雞蛋搖動
樓主早前以「不停換」為題，在facebook上載婦人於超市凍櫃前優雅地精挑細選雞蛋的短片。片中身旁放有購物車、腳踏厚底涼鞋的婦人正打開兩盒蛋，一盒手持，一盒放於凍櫃的其他蛋盒上，期間小心翼翼、細心地互換盒內雞蛋，且不時拿起雞蛋搖動，看來對挑選雞蛋滿有心得。
有好眼的網民估計，超市位於銅鑼灣一大型商場內。對於婦人的換蛋行為，網民沒好氣地指「畀個電燈膽佢照下！」，繼而怒斥「自私！冇品！」、「自私自利」、「咁Ｘ街都有嘅」，有人甚至認為婦人應「買晒佢」。
貴氣婦人以貌取蛋逐格睇 ＋ 網民火滾回應↓↓↓↓
食安中心：勿以貌取蛋
食物環境衛生署轄下的食物安全中心早年曾發文，呼籲市民勿歧視外殼顏色不同的雞蛋。食安中心吉祥物食安仔當時提到：
「好多人買雞蛋嘅時候都會精挑細選，除咗留意蛋殼有冇破裂同污跡之外，仲會『以貌取蛋』，用蛋殼顏色嚟衡量雞蛋嘅營養價值。呢個方法係咪精確呢？等我同大家分析吓啦！
蛋殼顏色主要受到雞隻嘅品種影響。除咗遺傳因素，母雞嘅年齡都會影響蛋殼嘅顏色，好似生啡蛋嘅母雞，佢哋隨住年齡增長，生嘅蛋會大啲，蛋殼都會淺色啲。有人或者會以為啡蛋天然過白蛋，營養更加豐富，但事實係蛋殼係啡色定白色都好，啲蛋嘅營養價值都好接近。相比起蛋殼嘅顏色，母雞嘅飲食同居住環境對雞蛋營養影響更大。
蛋黃顏色會受多種因素影響，好似飼料嘅色素成分咁。如果啲雞食嘅係粟米或者紅蘿蔔呢啲類胡蘿蔔素含量較高嘅飼料，咁呢種天然存在喺植物嘅色素就會令到啲蛋嘅蛋黃深色啲」。
貴氣婦人以貌取蛋逐格睇↓↓↓↓
生蛋處理不當可交叉污染
食安中心另提到，帶殼的蛋應貯存在陰涼乾爽的地方，最好存放在雪櫃內，並應按照先入先出的原則使用。生蛋若處理不當，可造成交叉污染，引致食物中毒。在處理蛋類前後，應徹底洗淨雙手。每次處理蛋及蛋製品前，亦須清潔和消毒所有用具及其他食物接觸面，例如打蛋器、碗及工作枱。
中心還指，有殼蛋不用清洗，因為清洗後，細菌容易透過蛋殼上的小孔進入蛋內。把蛋黃與蛋白分開時，最好使用清潔的分蛋器，不應使用蛋殼，因為蛋殼表面可能沾有沙門氏菌。
換蛋相關新聞：
超市客買「蘭王雞蛋」自行調包 網民重點圍攻兩件事
貴氣師奶「廁紙掩眼法」偷蛋 得手後企店外得戚回望
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
