一群大叔被發現懷疑於將軍澳彩明苑對開叢林露天開枱，在充滿大自然氣息下打牌，被網民抵死地形容為「深山打牌」。從網上流傳的相片及短片見到，大叔懷疑在叢林搭建帳篷，並開至少兩圍枱耍樂。
樓主日前在facebook「將軍澳主場」上載相片及短片發帖指↓↓↓↓
大叔「深山打牌」逐張睇 ＋ 網民側目回應↓↓↓↓
「我住彩明苑，有一日望出窗，見到對面山有一個奇怪嘅藍白帳篷。
初初以為係工程，後尾望真啲，係一堆阿伯同大媽喺帳篷隔離打牌，另外有一堆就坐喺果度附近，total（總共）差唔多8-10人（？）
佢哋日頭會喺（山）邊度開枱，夜晚果度都有人有著燈。
呢啲其實算唔算非法聚賭／潛建／佔用公共地方呢？
照片日期：
10月4日（日間照片及video）
10月15日（夜間照片）」
網民倡報警清理現場
現場有麻雀枱外，還有摺椅、膠凳和一批竹枝。有回應的網民建議報警處理，稱「算，報警處理」、「報警清理現場」。樓主在回應「冇現金喺枱面可以告乜嘢？」的留言時，上載麻雀枱上有啤牌和現金的截圖佐證，並指情況「有d誇」，還觀察到有關帳篷「啱啱打完風好似吹冧咗，跟住又起過」。
警方表示，將軍澳警區於2023年9月沒有收到於彩明街附近山坡有關非法賭博的投訴。將軍澳警區已知悉近日相關媒體報道，並密切留意情況，如發現任何非法活動，將採取相應行動和部署。
警方強調，將軍澳警區一直積極打擊區內非法賭博活動，會按實際情況，採取相應的策略和靈活調整行動部署，並會於有需要時與其他相關部門及持份者合作，打擊有關罪行。
大叔「深山打牌」逐張睇 ＋ 網民側目回應↓↓↓↓
網民：有電咁勁嘅
另有網民則錯重點地留意晚上亮起的燈光，指「有電咁勁嘅」，獲回應指可能使用「手提發電機」，並形容現場為「私營搭建夜繽紛呀」、「深度遊」、「深山打牌」，於是有人好奇提問現場「點樣去到？」。
回應的街坊原來也有留意叢林情況，見慣不怪地指「已經好耐了， 經常搭車經過都見到」、「好耐啦，一個月前已經喺到，日日搭車經過都見到」。
大叔「深山打牌」逐張睇 ＋ 網民側目回應↓↓↓↓
網民：無人理就佔山為王咁
網民的留言進一步將「深山打牌」時序越推越久遠，指「都幾個月！一樣係日頭夜晚都見到人聚集，夜晚就開住燈」、「呢啲行為根本唔止幾個月，幾年前已經係咁，如果你有上過（彩明苑附近）健明邨後面座山嘅話」、「上面間房仔仲要大過呢個」。
對於有網民慨嘆「依家好多山頭都有此現象，好似山高皇帝遠咁，無人理就佔山為王咁」，樓主無奈地稱「大自然唔係佢哋嘅物業喎」。雖然大部分網民都批評「深山打牌」，但也有人唱反調，指「佢哋山上打麻雀總好過在家打嘈住隔離鄰舍」。
大叔「深山打牌」逐張睇 ＋ 網民側目回應↓↓↓↓
打麻雀相關新聞：
父母約親戚上門打牌恐爆疫 網民倡上網打被嫌唔過癮
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
