近日網上流傳一段片段，一名15歲少年搭巴士使用小童飛被發現後，車長隨即喝令小童落車或給成人全票。然而少年母親出面袒護，批評車長態度差劣，引發爭論。少年其後態度亦180度大轉變，反斥車長「好大呀你揸車」。片段流傳後引起網民熱議。
片段可見，該名黑衫少年上車拍卡時，八達通機響起特惠車票聲音。車長望了一望該名少年，隨即截停問「喂你幾多歲呀，仲畀小童」，然而該名少年沒有立即回答，只是「吓」一聲，在車長追問才答自己是15歲，車長隨即怒斥「15歲畀咩小童呀」。
涉事巴士正準備前往東涌站。網上片段
少年上車拍卡，八達通機響起特惠車票聲音。網上片段
車長截停少年問「喂你幾多歲呀，仲畀小童」。網上片段
少年其後表示「我問吓我媽咪先」，及後少年母親上前。網上片段
少年母親不滿巴士車長態度，與之理論。網上片段
少年其後表示自己無卡，車長便停低巴士打開車門，要求少年落車或立刻繳成人票價二選一，少年則稱「我問吓我媽咪先」、「無錢呀我而家」。與此同時，少年向巴士後方的母親求救，稱「佢叫我畀成人呀」，少年母親及後行上車頭，問「學生唔可以用小童飛咩」。
車長勞氣回答不可以後，少年母親怒言「你使唔使咁嘅態度呀！你好啲態度，我有錢畀你！細路仔唔識嘢得唔得呀」，車長火起大喝「唔畀咪落車囉」。最後，少年母親再拍了一次成人票八達通後，繼續大罵車長態度不好，而少年獲母親袒護後態度180度轉變，鬧車長「我而家差你錢呀，使乜鬧鬧聲呀，好大呀你揸車」。車長沒有回應，關門後專心駕車。
少年母親怒言「細路仔唔識嘢得唔得呀」。網上片段
少年懷疑舉機拍攝車長。網上片段
少年母親怒罵一輪，最後付其兒子付成人票。網上片段
少年獲母親袒護後態度180度轉變，鬧車長「好大呀你揸車」。網上片段
車長其後未有回應，專心駕車。網上片段
片段流傳後引起網民熱議，不少人批評這對母子「搭巴士比足錢係基本嘢，三歲小朋友都識」、「呢啲詐詐低，15歲好意思叫小童？」、「明顯佢一直搏懵」、「根本一開始就想博大霧」；不過亦有人認為「師兄態度真係可以好啲嘅，道理係你度」、「司機做法冇得頂，只是用錯表達方法」、「兩母子係唔啱，但係我覺得司機唔需要咁嘅態度， 有少少過火」。
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
