英法韓等國爆發床蝨危機，港人聞蝨色變。有「慌蝨蝨」的市民昨日（10日）在網上討論區連發4相，以「我公司爆床蝨爆到七彩」為題發文。相中見到蒙有灰塵的布面椅邊有一堆啡白色物體，細看疑似是床蝨及其產下的卵，另有一隻疑似床蝨爬上椅面。
辦公室椅邊驚見床蝨竇逐張睇↓↓↓↓＋ 網民「慌蝨蝨」回應↓↓↓↓
樓主：生晒卵開枝散葉
樓主指「（公司）應該冇人去過外遊，相信係本地坐車出街惹返公司，依家點算，仲返唔返工好？」，並補充「已生晒卵、開枝散葉」、「出街傳畀第二個宿主，好快又到另一間公司大爆發，一傳十、十傳百」、「生命力、繁殖力強、又細粒、佢啲幼蟲細過粒塵、好痴線」。
辦公室椅邊驚見床蝨竇逐張睇↓↓↓↓＋ 網民「慌蝨蝨」回應↓↓↓↓
網民：終於傳到辦公蝨
回應的網民感嘆「終於傳到辦公蝨」，指情況「好恐怖」、「成堆，可能已經帶了返屋企」。有人冷靜分析，指「其實每日公交運輸咁多人流，坐旁邊果個有頭蝨或者佢衫褲有木蝨跳咗過你度都唔知。避無可避」。
有人認為「嘩！似乎你公司床蝨嘅問題都一段時間，快啲搵人去滅蝨」、「以前好多公司有蝨，所以要定期滅蝨」、「你公司應該大掃除」，於是有人指「呢期做滅蟲發過豬頭」，更有人預言「信我，根據香港人嘅習慣，殺蟲劑好快會斷市，跟住炒高10倍價錢」。
辦公室椅邊驚見床蝨竇逐張睇↓↓↓↓＋ 網民「慌蝨蝨」回應↓↓↓↓
網民建議具建設性
有好心人提醒「小心咬籮柚」，並建議公司「快啲換晒啲椅，坐膠凳」，和教路「如果你一定要返工，記得每日返到屋企將身上所有衣物拎去洗OR（或）用蒸氣，睇清楚無蟲跟身先好入房，盡量唔好帶任何無需要嘅背包、手袋之類返工，因為呢啲蟲傳播大多數係跟袋入屋」、
另有打工仔笑言「全港放有蝨假滅蝨.....」、「又可以WFH（Work from home，在家工作）」。不過由於情況誇張，樓主又無說明公司位於那一區，有人懷疑樓主作故仔。
辦公室椅邊驚見床蝨竇逐張睇↓↓↓↓＋ 網民「慌蝨蝨」回應↓↓↓↓
近期床蝨相關新聞：
星島申訴王｜床蝨危機爆發在韓港人叫苦 直擊深水埗劏房戶成屋蝨
似床蝨驚現機場快綫 港鐵指11.9晚接獲通報未有發現 涉事列車已高溫深層清潔
帖文來源：香港討論區
其他床蝨相關新聞：
兩老囤積成癮住所慘變蝨蟲溫床 港男呻：要雜物都唔要個仔
港女Staycation遭蝨咬全身白滑美腿慘遭殃 回家驚見蝨蹤勁崩潰
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
