盧慶輝自揭當年撻著梅姐真相勁尷尬，公開唔識老秘訣澄清未夠55歲。
Previous Next

已移居內地的盧慶輝（Marco）憑客串TVB劇集《香港人在北京》翻Hit，觀眾大讚年過50的Marco好有型，仲話好掛住《真情》的靚仔醫生「唐立生」。淡出娛圈十多年的Marco好好傾，講起曾跟張國榮合作非常興奮，提到被讚保養得宜又笑唔停，更公開Keep Young秘訣，甚至問到當年突然唔撈，更自爆真相，原來跟已故天后梅艷芳有關。採訪：方騫平

中佬型男盧慶輝唔願透露真實年齡，只強調少於55歲。
中佬型男盧慶輝唔願透露真實年齡，只強調少於55歲。
到底真實年紀係幾多？盧慶輝話要保密。
到底真實年紀係幾多？盧慶輝話要保密。
盧慶輝北上發展從商傳身家逾億。
盧慶輝北上發展從商傳身家逾億。
盧慶輝𠵱家主力從商，在北京及廣東省都有製造業、食品、蔬菜及房地產生意。
盧慶輝𠵱家主力從商，在北京及廣東省都有製造業、食品、蔬菜及房地產生意。

在《香港人在北京》中盧慶輝飾演霸氣CEO，惡鬥「視帝」陳展鵬，演得七情上面，觀眾係咁畀Like。Marco多謝香港觀眾冇忘記佢，至於會否乘勢再拍港劇？Marco直言對演戲仲有興趣，但𠵱家主力從商，在北京及廣東省都有製造業、食品、蔬菜及房地產生意，要暫放低生意回港拍劇，首要有好劇本，亦要分配好時間。

長居北京嘅Marco冇乜留意香港娛圈，但大讚跟陳展鵬及吳若希合作好有火花。
長居北京嘅Marco冇乜留意香港娛圈，但大讚跟陳展鵬及吳若希合作好有火花。
同視帝陳展鵬鬥戲。
同視帝陳展鵬鬥戲。
呢場戲好有火花。
呢場戲好有火花。
吳若希跟偶像盧慶輝演對手戲時內心其實好緊張。
吳若希跟偶像盧慶輝演對手戲時內心其實好緊張。
盧慶輝在內地從商多年。
盧慶輝在內地從商多年。
生意越做越大。
生意越做越大。

家燕姐帶挈處男登台

2017年，Marco出山拍TVB劇《賭城群英會》，講到最深印象劇集必定是1996年的《真情》，「作為一個新人，可以同咁多老戲骨如家燕姐(薛家燕)、司棋姐(李司棋)、蝦叔(關海山)、丹爺(劉丹)等合作，真係學到好多嘢，最難忘有場要講3頁紙對白，我驚到係咁NG，蝦叔不但冇怪責我，反而教我『唔使驚，只要閉眼去投入角色，啲對白一下子就會出嚟！』果然一Take過ok。」Marco更激讚戲中媽媽薛家燕好有愛：「佢真係好好，成日帶埋演員去登台搵真銀，我處男登台係去雲頂，都係由家燕媽媽帶挈，當時對住8000觀眾唱歌驚到腳震，不過越唱越high，返入後台要求家燕姐畀我唱多首。」

2017年Marco出山劇作係TVB嘅《賭城群英會》，演大奸角梁sir。
2017年Marco出山劇作係TVB嘅《賭城群英會》，演大奸角梁sir。
1999年演出最後一集《真情》，家燕媽媽喊住攬實盧慶輝。
1999年演出最後一集《真情》，家燕媽媽喊住攬實盧慶輝。
拍《真情》期間，盧慶輝跟彭子晴戲假情真。
拍《真情》期間，盧慶輝跟彭子晴戲假情真。
當年《真情》演員有唔少出外搵真銀機會。
當年《真情》演員有唔少出外搵真銀機會。
家燕姐好照顧《真情》演員。
家燕姐好照顧《真情》演員。

張國榮好Nice撩傾偈

另外，官仔骨骨的盧慶輝曾跟已故巨星梅艷芳及張國榮(哥哥)合作：「1993年做model時，同哥哥拍過汽水廣告，我係其中一位工人，雖然小角色，但休息期間哥哥好nice，主動跟我交談，好奇追問我身高？係咪有心做呢行？嘩！super star同我傾偈，既驚又喜呀。」至於1997年獲梅姐欽點演出她的《音樂特輯之三誓盟》傳出緋聞，Marco當年被指自編自導，當事人講返件事都勁尷尬：「唉！傳到亂晒籠！呢個圈好多時會亂傳。」他即還原真相：「冇㗎，佢(梅姐)係大姐姐，搵我拍嘢梗開心啦，可以同偶像近距離接觸喎，一班人只係走埋一齊研究點拍，拍完咪走囉，之後都冇再聯絡。」

1997年，盧慶輝擔任《梅艷芳音樂特輯之三誓盟》男主角。
1997年，盧慶輝擔任《梅艷芳音樂特輯之三誓盟》男主角。
音樂特輯中飾演一對。
音樂特輯中飾演一對。
特輯在日本取景。
特輯在日本取景。
​ Edit media 兩人有瞓埋一齊嘅床戲。 。
​ Edit media 兩人有瞓埋一齊嘅床戲。 。
盧慶輝及陳子聰擔任《梅艷芳音樂特輯之三誓盟》男主角，故事講述3人的3段宿世姻緣。
盧慶輝及陳子聰擔任《梅艷芳音樂特輯之三誓盟》男主角，故事講述3人的3段宿世姻緣。
當年曾跟張國榮拍過汽水廣告。
當年曾跟張國榮拍過汽水廣告。

Marco坦言同偶像傳緋聞唔開心，因為「假嘅嘢係唔應該嘅，所以好難受。」加上當年他有好多負面新聞，如2000年於澳門disco與有勢力人士爭執，遇襲毀容。Marco坦言父母係傳統潮洲人，兄與嫂及兩個胞姐均任職銀行，所以見自己年紀唔細，無謂令家人擔心，故漸漸淡出及轉行。

2000年，盧慶輝於澳門disco與有勢力人士爭執，眉心位置縫咗20針。
2000年，盧慶輝於澳門disco與有勢力人士爭執，眉心位置縫咗20針。

年齡你話幾多就幾多

Marco對於當日決定零後悔：「人生走嘅每段路，上天冥冥中有指引，好壞都好係成長必經階段，好嘅要堅持；否則要反思，漫長人生都要繼續行落去，所以啲人讚我咁多年都Keep得好，零走樣，其實除咗唔食太多，多郁動外，心態亦要開心啲。」已婚13年及育有9歲兒子的Marco形容目前生活得好好，又帶笑澄清，真實年齡少於55歲，出生年份亦非1968年，至於實際年齡？「哈！年齡只係數字！大家話幾多咪幾多囉，話我80歲都冇問題，阿倫夠話自己年年25啦。」

Marco於2010年結婚，獨子近10歲。
Marco於2010年結婚，獨子近10歲。
童年時Marco五官端正，望落幾醒目。
童年時Marco五官端正，望落幾醒目。
盧慶輝兄長及兩個胞姐都好出色。
盧慶輝兄長及兩個胞姐都好出色。
Marco由model跳入娛樂圈，當年的確幾靚仔。
Marco由model跳入娛樂圈，當年的確幾靚仔。
型男時期。
型男時期。
入行初期。
入行初期。
1996年，新入行的Marco曾經拍《西遊記》單元《火焰山》。
1996年，新入行的Marco曾經拍《西遊記》單元《火焰山》。
《封神榜》中盧慶輝飾演正直嘅「伯邑考」，被溫碧霞殺害後製成肉丸一幕驚心動魄。
《封神榜》中盧慶輝飾演正直嘅「伯邑考」，被溫碧霞殺害後製成肉丸一幕驚心動魄。
2000年跟丹爺拍過《碧血劍》。
2000年跟丹爺拍過《碧血劍》。
2001跟彭子晴拍《勝券在握》咀戲。
2001跟彭子晴拍《勝券在握》咀戲。
2003年和梁小冰拍攝亞視劇集《萬家燈火》。
2003年和梁小冰拍攝亞視劇集《萬家燈火》。
2003年跟譚耀文、李綺虹、袁文傑拍電影《花田囍事》。
2003年跟譚耀文、李綺虹、袁文傑拍電影《花田囍事》。
2004拍亞視《子是故人來》。
2004拍亞視《子是故人來》。
2018出席有份演出的《PTU機動部隊》發布會。
2018出席有份演出的《PTU機動部隊》發布會。
盧慶輝曾唱歌。
盧慶輝曾唱歌。

 
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ