電影是香港導演黃精甫首部台灣作品，引用古文典故，借「周處除三害」講述一個結合黑幫復仇及犯罪動作的末路殺手故事。片首15分鐘「貓捉老鼠」追逐場口睇到好爽，原來更爽嘅在後頭，開槍吓吓爆頭，超級好睇的犯罪片，阮經天終於返嚟，靚仔又有演技，殺得狂打得癲但會為未能見婆婆最後一面喊到豬頭，心痛死我，難怪繼《艋舺》封帝13年後再獲提名金馬獎最佳男主角。(上映中)撰文:廖思慧
第一場戲，阮經天已經好陳桂林。
陳桂林殺完黑幫大佬，一出門口就被警察陳灰(李李仁飾)追補，追足15分鐘。
陳桂林個名好響，好多新入行嘅黑幫後輩都當佢係偶像。
電影獲本屆金馬獎7項提名，除男主角外還有導演、視覺效果、動作設計、原創電影音樂、剪輯及音效。阮經天飾演好打得的槍擊要犯陳桂林，知道自己患絕症後，發現自己嘅人生毫無意義，得知自己只排全國通緝犯第三位，為實現「人死留名」決定追殺排一二位的通緝犯，然後自首，當然世事唔係你想點就點。
李李仁同阮經天一碰面就係咁打，拳拳到肉超暴力，仲爆埋眼。
袁富華飾演香港仔，格衰又暴力，同陳桂林都有一場埋身肉搏。
全片有好多打鬥場口，阮經天打得好好睇。
警察陳灰視陳桂林為眼中釘。
偽善最乞人憎
「貪、瞋、癡」出自佛教又稱三毒，殘害身心，使人沉淪於生死輪迴，為惡之根源。本片英文片名《The Pig， the Snake and the Pigeon》亦有深層意義，片中的三大通緝犯分別象徵「豬、蛇與鴿子」，就是對應佛家所說三個毒害人生的劣根性。通緝犯除了阮經天還有愛以暴力解決問題的「香港仔」袁富華及邪教偽善L陳以文，當中以偽善為人性最大的惡，睇到最咬牙切齒。
陳以文飾演邪教尊者，全片最賤最不得好死。
金馬影帝陳以文勁好戲，邪教呢PART亦最鍾意。
陳桂林去到癌症末期，誤信所謂尊者，以為自己終於覺悟喊到癲咗。
靚仔又好戲，寶物嚟嘅。
阮經天的晒冷式演技非常精彩，有時笑到令人不寒而慄，有時又會喊得撕心裂肺，好記得佢一出場殺完黑幫大佬，然後望住警察邪惡微笑再逃跑一幕，打得狠又夠癲，但同時有情有義，結尾如《皇家特工：間諜密令》Feel的大屠殺，爽到笑出聲。
阮經天同王淨相遇戲唔多，但因為是同路人，有好特別的情感連結。
王淨飾演程小美，被香港仔控制的髮廊老闆娘，身世好可憐。
袁富華飾演的香港仔係暴力狂，聽佢講廣東話粗口勁有親切感。
《星島頭條》新網站有更多精彩內容：http://www.stheadline.com/
