陳俞希（Hailey）、麥沛東（麥東）和葛綽瑤（Yoyo）在Viu劇《社內相親》首度合作，3人最初都有擔心外界拿來跟韓版比較，但拍落認為港版有其特色，他們撞出不少新火花，笑位亦會再加料創作。採訪：杜杜 攝影：朱偉彥 服裝:bread n butter(Hailey)、ONS at Kapok(麥東)、LILY BROWN(Yoyo) 美甲:@kissablenail(Hailey)
由於該劇改編自韓劇，觀眾難免會有比較，不過Yoyo認為最緊要帶到開心畀觀眾，「兩個版本有啲細位真係會有唔同，港版會有自己特別地方。」 Hailey最初因角色外形分別大而好擔心，但後來已豁出去，「我個角色行出嚟個感覺都好唔似，希望觀眾會當咗另一個角色咁去睇，同埋我同麥東條感情線處理手法都會好唔同。」麥東就覺得辦公室戲份輕鬆最重要，「我哋玩得開心，觀眾自然就會睇得開心。」
麥東大玩花式疊杯
麥東解釋該劇除了港版特色，笑位他們亦會再加料炮製，「有場其實係意外嚟，講我要衝返office，導演只係要求我急步行，但我貪玩全速跑，一轉彎就跣倒，拍咗落嚟仲會剪埋出街，大家睇到唔好以為係替身嚟喎，哈哈！」Yoyo笑着補充，「佢高速到我哋本嚟望到佢喺度，但好快唔見咗。」但麥東投訴兩個拍檔完全冇人性，「佢哋完全冇關心我有冇整親，淨係識得喺度笑囉！」Hailey就解釋：「本來我哋要接住講對白，但係佢已經撻咗喺地下，我哋又有咩辦法唔笑啫！」
劇中重要場景都會跟韓版大同小異，譬如CEO跟女主角一班同事去劈酒慶功，韓國鍾意飲燒酒加啤酒，但香港唔興導演就提議麥東玩花式疊杯。麥東說：「導演畀咗條片係個專業bartender喺度拋杯，我邊可能做到，但後尾我都要玩類似骨牌嘅疊杯。」Hailey笑麥東緊張到癲，「要一shot落，佢緊張到爆晒汗，我哋本嚟食花生，都戥佢緊張埋。」Yoyo亦爆麥東好大壓力，「佢真係好緊張，應該影到佢有手震。」麥東解釋因唔想阻大家收工，「佢哋笑都驚震到啲杯，因為跌咗一隻杯又要從頭嚟過，但嗰場戲拍出嚟氣氛好好。」
《星島頭條》新網站有更多精彩內容：http://www.stheadline.com/
