鄭中基一連4場《Fragments of Wonder世界巡迴演唱會2024香港站》，將於明年農曆年期間於紅館舉行。為巡唱身兼五職（主辦、監製、投資、宣傳及主唱）的鄭中基（Ronald）笑言初時只想做主辦，目的是可以自己控制所有事情，因為過往試過遇到投資者因預算問題，結果變成心目中的「六成演唱會」。
一連4場鄭中基《Fragments of Wonder世界巡迴演唱會2024香港站》將於明年農曆年期間於紅館舉行。
今次個唱Ronald話晒事。
幸運地鄭中基只花了9個月時間便成功申請紅館檔期。
鄭中基拒再做「六成演唱會」。
香港演唱會是巡唱第二站。
今次自己話晒事，單是拍海報做倒模特技化妝，已花了6位數字。「化妝搞咗8個鐘，影就15分鐘，自此明白點解主辦要控制預算，而家洗濕個頭，抑係加錢抑係Cut嘢。」最後，Ronald當然選擇加碼，加上幸運地只花了9個月時間便成功申請紅館檔期，無論如何都要做得更好。
舞台好落本。
Ronald拍海報做倒模特技化妝，已花了6位數字。
四面台加長流程
這次香港演唱會是巡唱第二站，在澳門舉行第一站時，礙於酒店條例關係，演出時間不能太長，Ronald坦言舶香港站加長流程，他說：「澳門站得4 Part，香港站會有5 Part。舞台方面，紅館會開四面台，到時更會鋪上草皮，想做到Wonderland咁，農歷年都想大家開開心心，入到嚟七彩繽紛都靚啲，加上我啲歌咁鬼慘！呢次演唱會歌單流程，如果歌詞適合就擺入去，英文、國語同廣東歌都會有，希望大家會鍾意。」
巡演首站已在澳門舉行。
澳門站得4 Part，香港站會有5 Part。
為巡唱身兼多職的他，坦言今次學往做，幸好有拍檔給予很多寶貴意見，亦希望能夠加場，並計劃完成香港站後移師到台灣舉行。談到出埠展開巡唱會否掛住一對子女，他笑說：「以前細個都會掛住，而家佢哋大咗成日都約朋友去玩，都無乜我嘅事啦！」
鄭中基自爆過往試過遇到投資者因預算問題，結果變成心目中的「六成演唱會」。
鄭中基有溫暖家庭。
圖：鄧國良 文：鄺芷瑩
髮型 : Horace Tse
化妝：Henry Li
場地：香港康得思酒店
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
