獨家丨李施嬅唔執著拎視后：拎咗安慰獎啦未婚夫直率得罪人多似「張家妍」

繼《金宵大廈2》後相隔3年，李施嬅再重返「娘家」拍《新聞女王》，跟佘詩曼展開連場勾心鬥角劇情，好有發揮。2019年李施嬅憑《金宵大廈》「叫糊」視后可惜大熱倒灶，對於再接再厲，她答得淡然：「冇咁執著喇，畀咗個『最受歡迎電視女角色』安慰獎我，算係圓滿咗啦。」採訪：方騫平攝影：鄧國良服裝：Lane Crawford 髮型：Jay Cheung @ Hola Il Colpo Hair & Pets 場地：Studio Meta

多年來跟視后無緣的李施嬅，會繼續努力。

李施嬅未有結婚打算。

繼《金宵大廈2》後相隔3年，李施嬅再重返「娘家」。

現實生活中嘅李施嬅都算吃得開。

李施嬅唔再強求獎項。

劇中李施嬅飾演有正義感但被打壓的主播「張家妍」，因為喜怒形於色跟佘詩曼有好多頂撞。施嬅強調角色性格同自己完全相反，她唔會鬧人，唔會有嗰句講嗰句令人難受，「因為識做嘢，但唔識做人嘅人係好乞人憎，唔會有運行。」

劇中直率嘅李施嬅常跟佘詩曼有好多頂撞。

因為「張家妍」唔識做人，所以做嚟做去係做「散仔」。

劇中有好多難忘大場口。

李施嬅覺得「張家妍」唔識做人，跟直腸直肚的未婚夫車崇健好似，所以未婚夫曾大讚「張家妍」係絕種恐龍：「佢(未婚夫)好少朋友，同得佢交往嘅都係志同道合知心友，會兩脇插刀。」施嬅尊重未婚夫嘅直率，因為做人唔掩飾都要有勇氣：「有時我唔開心打沉咗，佢唔會呵住我，美化個世界點完美，而係一針見血說出重點，用嚴格態度令我精神強大，不過，有時太過份就會Stop佢『喂！你唔可以對我咁講。』」她表示跟未婚夫各有各忙，還未落實婚期。

李施嬅稱同未婚都係工作狂，訂婚兩年多，未有動力搞結婚。

李施嬅有樣有身材。

離開邵氏同失獎冇關

提到有機會跟阿佘爭視后，施嬅強調只係想有好嘅作品：「因為TVB個獎而唔開心，觀點太狹窄，執著會太辛苦，反正控制唔到，邊會有雙視后呢啲嘢呀？唯有諗，有啲獎同有啲人有緣，可能我同其他獎有緣呢。而且幾年前TVB畀安慰獎我，已填補咗多年嚟『屋企』冇獎嘅失落，算係咁，2019年離開邵氏絕對唔係傳聞中為獎而走，哈！我冇張家妍內心咁多抑壓喎。」