近年不少時裝品牌推出寵物用品系列，價錢高昂，隨時拍得住為時尚服飾的價格，但依然吸引不少愛狗之人爭相搶購！有「億萬駙馬」之稱的伍富橋，他與太太梁兆楹（Shirley）將愛犬「飛雲」視為兒子看待，日用品更加未曾缺少，可算是另類「富二代」。
【相關閱讀】：佘詩曼《新聞女王》主播Look逐個睇！200元平價品牌着出霸氣 只穿黑白靠名牌袋添玩味丨星級品味
伍富橋「富二代」飛雲奢華生活：
身為「飛雲」爸爸的伍富橋，試過在社交平台貼上狗用品，當中出手更加闊綽，為愛犬提供最優質的生活，例如戴金吊墜，衣服和配件等均出自名牌，其中包括價值逾6,000元的Prada風褸、超過1,500元的Versace衣服，還有GUCCI分別價值逾5,000元與2000元的衣服和狗帶，甚至連睡覺的毛氈也是Hermès blanket，在蘇富比官網售價以19,618元，簡直是富二代的生活。
伍富橋「富二代」飛雲生活相：
伍富橋隨心為飛雲買衫
對於飛雲的服飾安排，伍富橋接受《星島頭條》訪問分別心得，他說：「其實行街見到又會幫佢買，網上又會幫佢買， 買衫畀飛雲好多時候based on我自己有咩衫，因為有時帶佢出街可以同我襯，（我老婆講嘅），最平幾十蚊，最貴4位數。飛雲第一次着衫開始就好鍾意，每次幫佢除衫都要同佢搏鬥一輪先搶得返件衫。」伍富橋與太太經常外遊，不過旅行期間都不忘為飛雲添置服飾：「之前去日本見到啲和服同埋日本武士頭套都即刻買，喺瑞士見到啲好得意嘅狗圈都有埋俾佢，總之其實無時無刻都會買，唔使理由。」在芸芸飛雲的造型中，伍富橋原來最愛這一套：「 最鍾意係啱啱過咗嘅萬聖節，幫飛雲打扮嘅烏蘇拉造型，尤其是係頭上面個執藍色毛。」
伍富橋與太太視飛雲為兒子看待
伍富橋與太太視飛雲為兒子般看待，所以在心態上與一般父母未有分別：「其實就當飛雲係自己個仔一樣，買衫畀佢同埋幫佢扮靚，連瞓覺都係一齊瞓。喺照顧方面都講唔上係咩心得，因為每隻狗嘅性格和生活習慣都唔同，但係如果養白色狗仔嘅話，可能要勤力啲幫佢哋抹眼底，因為佢哋嘅淚腺好發達，好容易變熊貓眼，仲有一定要勤力幫狗狗刷牙。否則年紀大牙肉萎縮，到時要剝牙就後悔都太遲了，我哋只係希望飛雲喺短短嘅狗生，可以開開心心無憂無慮吃飽穿暖地生活。」
【其他文章】：
TVB台慶女星靚裙品牌逐個睇！張曦雯Versace露肩裝最高貴 陳煒江美儀撐本地設計師丨星級品味
星級品味｜靠收藏天價Hermès手袋致富？樊亦敏揭成小富婆之道：要分散投資
向展鵬逾百LV Hermès收藏大晒冷 親述「貴族級」童年讀喇沙鬥行頭｜星級品味
劉亦菲「洞洞鞋」登熱搜爆紅！僅售xxx元「醜鞋」大翻身逾千網民讚有「踩屎感」極舒適
---------
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
