曾經終日在家打機度日的隱蔽青年，因為遇上有教無類的非常校長，終於願意走出家門，踏上山路行過無數高山，人生重回正軌。家人對校長給予的包容，一直陪伴同行，心存感激。
今年21歲的Thomas於6歲時隨家人移居英國，至16歲那年返港生活，但他在返港前因校園生活不太如意，從中四、中五時開始便沒有上學，躲在家中打機，即使返港後亦沒有上學，終日留在家中，不肯外出，這些日子持續了多年。
Thomas接受專訪時直言，「英國無返學係因為學校有活動，我唔係幾識溝通，我唔想見到同學笑我，跟住就無返學喇，留喺屋企打機、做吓運動。」
姨媽：校長令Thomas踏出第一步
Thomas姨媽Mandy說，由於Thomas在外國長大，故不太懂廣東話及中文，即使返香港後，出外亦很難與人溝通，「去茶餐廳食嘢，都唔識睇餐牌，唔識嗌」。Ｍandy稱，曾經尋求不同方法，希望可以改變Thomas，但仍苦無辦法；直至一次在電台睇到佛教筏可紀念中學惲福龍校長的訪問，直覺校長可協助Thomas，故「膽粗粗」的聯絡上惲校長，慶幸獲他願意協助甚至家訪，請Thomas帶領到附近行山，令Thomas踏出第一步。
惲校長稱，「第一眼覺得Thomas跟一般年青人一樣，無動力、唔想郁，唔想咁多參與，唔想咁多投入。可能佢覺得自己過去唔係好值得講，亦有少少自卑，唔想面對，但係佢愈行愈有動力，傾偈都多咗，自信心返咗嚟」。惲校長再逐步說服Thomas重回校園，入讀中五，更帶他繼續挑戰不同山嶺，甚至遠赴澳洲、濟州參加比賽。
惲校長憶述在濟州時，Thomas的責任是陪伴校長完成25公里行程，「嗰次佢負責保護我，因為我年紀大，佢就拖慢嚟就我，同我一齊完成咗，成就咗我；無佢陪住我，我可能行唔完，我都好多謝佢㗎！」他們早前在港更成功挑戰毅行者，完成艱辛的100公里賽事。
校長：對佢期望已經實現咗！
作為校長或會對學生有很大期望，惲校長卻指，「我對佢嘅期望已經實現咗！」這就是Thomas願意再上學，縱使間中會遲到，但總好過缺席；他更說，對Thomas的整體發展感到喜出望外，由以往不與人接觸、說話，拒絕行出第一步，至現時經常上學，這一切同樣令校長非常感動。
Thomas：多謝校長陪伴
Thomas靦腆地感謝校長的支持，他直言以前性格不太有信心，出街會緊張，現在會多外出，多一點信心，少一點壓力；他更立下要當警察的目標，多謝校長的陪伴。
Mandy說Thomas在不知不覺間改變了，以往很怕人、怕被人望，不夠膽也不懂外出購物，現時除每天從青衣到大澳上學外，「佢鍾意打機，自己夠膽去買game，逐區逐個商場去逛去問，自己敢搭車」。
Mandy形容Thomas願意「落地」接觸正常生活，是很大的進步。她又說，這一些歸功於惲校長，因為校長一直與Thomas同行與包容，對校長非常感激，「校長真係好有心，香港好大多年青人都需要校長呢種教育方式，Thomas真係好幸運入到校長呢間學校，所以我好感激校長，希望校長可以持續落去。」
———————————————
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島申訴王》為民請命抱不平、追蹤城中熱話，亦會搜羅坊間溫情小故事。你申訴，我跟進，WhatsApp搵91999933，《星島申訴王》隨時候命！
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
