24場《張學友60+巡迴演唱會》香港站昨晚（10日）在紅館舉行首場演唱，來到香港站首場，是《張學友60+巡迴演唱會》第67場，舞台以三面呈現。開場以巨型LED螢幕投放出立體的海浪影像，張學友在LED螢幕得若隱若現的出現，一邊唱着《留住這時光》，為演唱會揭開序幕。
【相關閱讀】：張學友演唱會丨歌神24場紅館個唱今晚開鑼 張學友現身拜神過百歌迷圍觀
【點擊睇張學友《張學友60+巡迴演唱會》頭場演出】：
其後張學友在一班舞者伴隨下，以全黑皮衣造型氣勢登場演繹出《Ooh La La 》，在升降台上跳舞，歌曲最尾配以銀色紙條散落觀眾席，帶動全場氣氛。緊接張學友踏上古董車頂唱出《馬路英雄》，加上20位舞者傾力演出，掀起演唱會高潮！換上一襲藍色絲絨高貴西裝的張學友，一連唱出慢歌《我應該》、《等你等到我心痛》、《深海》、《三天兩夜》，其中張學友在演唱《我應該》中有加插吹口哨部分。而《等你等到我心痛》中，播放了張學友與舒淇拍攝的劇情片段，結尾還有金燕玲的出現。
張學友紅館首度三面台想同大家握手
台上以LED螢幕造成一度開啟的大門，張學友換上深綠色西裝和戴上紳士帽跳唱《交叉算了》，繼以音樂話劇形式唱出《Double Trouble》，唱罷《我真的受傷了》後，張學友跟大家打招呼：「大家好嗎？山頂嘅朋友好嗎？每次嚟到紅館唔講呢句唔舒服。今次香港場演唱會兩日休一日，其實經過精密計算，咁樣安排係最好。今日係巡迴演唱會第67場，返到嚟香港冇咁緊張，但始終有一種壓力。因為第一次做三面台咁近距離，好想伸手同大家握手。另外一個緊張係，好多朋友睇住我大，60+係一個乜嘢概念？開完半世紀演唱會，今次再開60+演唱會，眨吓眼就已經到咗60歲。」
【點擊睇張學友演唱會拜神】：
接着張學友突然即席在台上表演一字馬：「首先，我係屋企試一試60歲都仲可以做到（一字馬），開始冇咁驚去諗，我係咪可以開到一個60+演唱會？今次開到非常之開心。今次我係夢想成真，希望大家唔好放棄自己夢想，原來係得嘅！我而家仲諗緊係咪可以開70+演唱會，唔知得唔得㗎，我會一路拉筋。如果大家覺得今晚睇完，下次都仲會睇嘅話，我嘅目標係打破修哥紀錄，90歲仲開演唱會。希望我到90歲嘅時候仍然可以攞住枝咪唱。不如喺度做個約定，如果我可以開到70+演唱會，你哋都要好好保持自己身體健康，7年後再喺呢度見面。」
張學友考慮開70+演唱會
張學友透露自己由1984年開始入行，1987年開第一個演唱會，到今次已是第10個演唱會，所以這次想帶一些特別的創作和音樂給大家欣賞，因此有了這個集合管弦樂、流行樂和現代芭蕾舞於一身的演唱會，並由音樂總監吳慶隆帶領 53人樂隊帶給大家難忘的一夜。張學友表示近年都有推出新歌，包括《日出時讓街燈安睡》和《又十年》，螢幕上呈現出張學友逐漸變老的樣子。當張學友唱出《愛是永恆》時，台上呈現壯觀亮麗煙火，觀眾目不暇給。
最後在安歌部分，張學友唱出《李香蘭》、《她來聽我的演唱會》，每次前奏旋律一響起，大家都在歡呼。張學友坦言：「其實我好驚，我驚我遞咪出嚟冇人唱，唔知係咪因為今次三面台大家坐得好近，你哋今日唱得特別大聲。我係1985年出第一隻唱片，到1990年大家聽到《每天愛你多一些》先更加認識我。」然後，全場大合唱《每天愛你多一些》，張學友既開心又感動，最後以一曲《吻別》為《張學友60+巡迴演唱會》香港站畫上圓滿的句號。
【其他文章】：
張學友香港演唱會丨12月紅館連開10場個唱！稱有信心不再暈 壓力大增因「唔想衰」
張學友現身武漢巨星排場卻未見墟冚人潮 警察保安變追星族場面怪異
張學友夫婦30年前合照曝光！太太羅美薇紅唇鬈髮配低胸上衣堪稱一代美人
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
