歌神張學友紅館演唱會《張學友60+巡迴演唱會香港站》昨晚（11日）第二場演出，經過首晚演出獲歌迷熱烈支持，張學友明顯心情大靚，連番跳唱演出後，張學友唱過12首金曲到《我真的受傷了》後才開金口，向現場歌迷打招呼：「大家好嗎？山頂的朋友好嗎？」
【相關閱讀】：張學友演唱會丨香港站終於登場！盼打破契爺胡楓紀錄：90歲仲可以攞住枝咪唱歌
【點擊睇張學友《張學友60+巡迴演唱會》第二場演出】：
張學友指今次開三面台，因此與歌迷距離更親密，甚至山頂朋友的面孔都清楚看到：「但沒向山頂朋友打招呼就不似開紅館！」張學友又著歌迷可以好好發洩：「鍾意嗌可以一齊嗌、鍾意唱可以一齊唱，大聲都無所謂！如果你覺得攰想瞓覺，我可能會傷心啲，但我把聲適合令你瞓覺，我會覺得自己把聲幾靚！可能仲有人覺得我個樣幾好笑，因為我拍戲就喜劇為主，大家可能諗起《東成西就》，導演可能覺得我個樣好笑，先搵我拍戲，大家話係咪？」
張學友感慨自己已唱足39年
張學友開腔便一發不可收拾，感慨自己已唱足39年，笑指1984年出生的歌迷「已經咁大個仔」。張學友又指自己是香港出世、長大和成熟：「第十次開演唱會，現在我變得成熟，我不想用個『老』字，現在氣質不同以前，記得以前唱《Ooh La La》時，第一次演唱是91年，當時唔練身材、白雪雪，著住件背心好似隻豬！咁都敢去唱。」隨後張學友做出一字馬，全場尖叫拍掌，他笑言：「60+都仲得！上次開騷有人話快啲睇、唔睇冇得睇，今次令大家失望，我會保持身體健康，返去繼續練一字馬！」介紹過53人大樂隊後，張學友指今次開騷選唱自己寫的歌為主，笑言：「可能有人唔知我寫歌，我教你點分，唔係新歌又未聽過的歌就可能係！」隨後張學友繼續歌舞連場，唱畢《想劈酒》後他笑說：「呢首係我寫嘅！」
【點擊睇張學友《張學友60+巡迴演唱會》頭場演出】：
而今晚安歌環節，唱過《她來聽我的演唱會》後，張學友表示香港歌迷給他信心，現在有勇氣遞咪出去和大家一齊唱，不怕會面懵。張學友又指每晚都有清唱環節，期望24場演出唱不同歌，他指今晚的歌經常被選作電影主題曲，「聽日大家返工，今晚唱首短啲，唱我首定情歌。」隨後與歌迷大合唱《還是覺得你最好》。張學友換上燕尾服在安歌環節為歌迷送上《我等到花兒也謝了》、《她來聽我的演唱會》、《還是覺得你最好》、《月半彎》，最後以《吻別》作結，全晚唱足27首歌。
【其他文章】：
張學友演唱會丨歌神24場紅館個唱今晚開鑼 張學友現身拜神過百歌迷圍觀
張學友現身武漢巨星排場卻未見墟冚人潮 警察保安變追星族場面怪異
張學友夫婦30年前合照曝光！太太羅美薇紅唇鬈髮配低胸上衣堪稱一代美人
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
