J2節目《不正常愛情研究所》主持文頌男（Koba）停工兩個月，近日在社交平台自揭數月前確診患癌症，椎間近盤骨位置生了一個6厘米大的惡性腫瘤，希望眾籌醫藥費。結果此Po一出引起各界關注，今日（22日）凌晨他再次更新IG交代現況，並感激大家支持。
【相關閱讀】：J2主持文頌男確診癌症！停工兩個月眾籌醫藥費 椎間近盤骨生6厘米惡性腫瘤
【點擊睇文頌男嚴寒覆診】：
文頌男現已開始接受化療，連月來不停出入醫院，今晨亦再度入院覆診，惟他於IG Story表示：「每次都要等兩、三個鐘，因為我坐唔到、會痛，所以次次都係跪喺到等，有時太攰就要瞓病床等。」令人痛心。
然而昨日（21日）患病消息被廣泛報道後，除大批網民湧入其IG留言打氣外，更有不少熱心市民捐款支援他，令文頌男直言感到受寵若驚：「我只係一個小小嘅節目主持，從來都冇諗過自己會有咩名氣、有人認識，估唔到會有咁多媒體報道我嘅事，好感謝各大媒體嘅關心。」
【點擊睇文頌男舊照】：
文頌男感激各界關心及援助
文頌男續指，這兩日狀況突然有啲差，覺得身體很不舒服，未料一覺睡醒發現多了許多人捐獻：「為我本身冇諗過會有人響應，所以好想喺呢度衷心多謝各方唔同人嘅支持。雖然款項唔多，但我都感受到大家嘅善意同鼓勵，甚至有冇捐獻其實都唔重要，大家隨心就可以，你哋簡單嘅一句問候我都會好開心。我會盡量好好利用呢啲款項，用喺我嘅治療同生活恆常支出上。」
見有網民溫提出示相關醫生證明文件來提高可信性，文頌男隨即於IG Story公開MRI（磁力共振掃描）報告釋除各界疑慮，並謂稍後會繼續發布相關證明文件，讓大家了解他的病情。帖文中亦附上一張近照，可見戴上冷帽的文頌男消瘦不少，一眾網民都祝願他早日康復。
【其他文章】：
不正常愛情研究所丨髮型師爆行內秘聞！疑似有當紅男歌手撻着靚女髮型師
不正常愛情研究所｜「綠奴」親眼見證女友同時以一敵七：自己在場就唔算偷食
「新一代TVB性女」黃紫恩憶述初戀要男友湊好討厭：見到都想車自己一巴
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY
