頭條戲場丨《五月的你 十二月的她》沒有鬼的恐怖片
Previous Next

兩大奧斯卡影后Julianne Moore及Natalie Portman高手過招，演技精彩絕倫。一個控制慾超強的女人Gracie，因為自私而摧毀兩個家庭，另一個明星仔Elizabeth自以為好醒，覺得好易睇穿Gracie再加以模仿，最後輸晒。全片大玩心理戰，人性可怕之極致，冇鬼但好恐怖。因為宣傳唔多，電影在港上映兩星期只剩返好少場次，真心可惜。(上映中)撰文:廖思慧

Elizabeth記低Gracie用咩化妝品方便模仿，呢幕好有意思。
Elizabeth記低Gracie用咩化妝品方便模仿，呢幕好有意思。
兩人越嚟越似，尾場畢業禮相遇，如孖妹。
兩人越嚟越似，尾場畢業禮相遇，如孖妹。

英文片名《May December 》是英文slang，指年齡相距超大的戀愛，即電影的核心家庭，Gracie(Julianne Moore飾)及Joe (Charles Melton飾)夫婦，兩人相差23年。有夫之婦戀上男方時，後者才13歲，是其大仔的同學，兩人發生關係後，Gracie入獄並在獄中誕女，之後兩人排除萬難結婚，20年後，誕下三個兒女的忘年夫婦，在郊區過住好似好幸福的家庭生活。

兩人相差23年，女方做得男方阿媽。
兩人相差23年，女方做得男方阿媽。
Joe 養蝴蝶，似有所指，老妻經常話佢養毛毛蟲。
Joe 養蝴蝶，似有所指，老妻經常話佢養毛毛蟲。
Joe同蝴蝶群組女網友經常傳瞹眛短訊，未成年就被姨姨困住，內心好想曳。
Joe同蝴蝶群組女網友經常傳瞹眛短訊，未成年就被姨姨困住，內心好想曳。

影后鬥戲勁精彩
忘年夫婦的瘋狂事跡當年被廣泛報道，相隔多年，兩人的不倫戀將被拍成電影，為讓女主角Elizabeth(Natalie Portman飾)深入揣摩角色，安排她以旁觀者姿態融入Gracie和Joe的日常生活作觀察，其實諗唔明夫婦點解會應承，何必再自揭瘡疤?Elizabeth帶住唔認同的心態作出窺探，因為第三者的闖入，打破了夫婦營造的幸福婚姻假象。導演Todd Haynes好高招，借第三者拍戲為名，逐層撕開忘年夫婦的虛假面具。

Elizabeth跟Gracie學插花，前者以為已好熟識後者。
Elizabeth跟Gracie學插花，前者以為已好熟識後者。
兩佪女人互相唔妥大家，表面客客氣氣，超假。
兩佪女人互相唔妥大家，表面客客氣氣，超假。
Elizabeth拍低忘年夫婦撻著的寵物店。
Elizabeth拍低忘年夫婦撻著的寵物店。
Joe及Elizabeth年齡相約，前者以為識到個知心友，天真到爆。
Joe及Elizabeth年齡相約，前者以為識到個知心友，天真到爆。
兩人放狗都放到有浸偷食味。
兩人放狗都放到有浸偷食味。

三人均在自欺欺人，Gracie強調家庭充滿愛，其實只係用意識操控家人，又情緒勒索另一半，所謂幸福只係自己呃自己;嫩口老公Joe最可憐，青春期都未過就要做人爸爸，以為自己大個仔，其實靈魂永遠被困13歲;至於明星仔以為Follow Gracie衣著同化妝就會變成對方，又自欺洞悉一切。不倫電影開鏡，睇住Natalie Portman努力扮演平庸演員，超渣戲中戲睇到會心微笑。劇本超勁，好鍾意導演的講故事方式，以肥皂劇包裝禁忌倫理題材，越睇越心寒。Julianne Moore演恐怖天真女人手到拿來，令人不寒而慄。

 

Joe一直冇長大，剛入大學的囝囝仲成熟過佢，呢幕好Sad。
Joe一直冇長大，剛入大學的囝囝仲成熟過佢，呢幕好Sad。
Elizabeth跟Gracie一家飯聚，子女唔鍾意父母情史拍成電影。
Elizabeth跟Gracie一家飯聚，子女唔鍾意父母情史拍成電影。
忘年夫婦的三個子女，知道父母過去，好想遠走高飛。
忘年夫婦的三個子女，知道父母過去，好想遠走高飛。
Elizabeth為更了解Gracie，約後者的前夫攞料。
Elizabeth為更了解Gracie，約後者的前夫攞料。 


 

《星島頭條》新網站有更多精彩內容：http://www.stheadline.com/