新冠疫情專頁| 第五波疫情專頁

人到中年有不少煩惱，失業可能是其中之一，尤其是有家室之人，一家幾口等開飯，家庭經濟支柱壓力山大。

一名之前月入6萬元的IT manager（資訊科技經理）懷疑因為失業多時，在網上發長文自怨自艾，憂一家人坐食山崩，但也坦言無勇氣放下身段做保安、侍應等前線工作，做人迷失了方向，「每日都係上求職網、發CV、等電話......無間地獄般不斷重複」。網民對此感到心酸，窩心地加油大力鼓勵，還熱心根據自身經驗為樓主指點生路↓↓↓↓

中年IT男失業搵工難發長文自怨自艾逐張睇↓↓↓↓

月入6萬中年IT男失業。

樓主：之前做IT，已經失業4個月，方向迷失。

樓主：50歲IT人，4個月內已經send了60份CV（Curriculum Vitae，履歷）出去。

樓主：每日都係上求職網、發CV、等電話......

樓主：小弟都唔怕講，last salary（最後薪金）平均 60K IT manager（資訊科技經理）。

樓主：現在睇求職網嘅JD（Job Description 職位描述）要求，可能真係我老啦，好多都唔熟，甚至唔識。

樓主：好多網友都講得啱㗎，50歲老了，有時都好難再pick up new skills（學習新技能）。

樓主：但我自己未放棄，至少我都會睇下現在市場需要甚麼，然後上網自己睇片進修一下增加機會。

樓主：我暫時都係食老本，老婆沒做嘢，小朋友還有5至6年才可以出身。所以遲早會坐食山崩。

樓主：我諗過做生意，但大家睇下現在的香港，真係做夜市咩？

樓主：我也試過炒股，做埋day trade（日間交易），睇盤路、大戶動作和程式交易。

樓主：可能我要接受自己是一個平庸的人。

樓主：小弟知道可以做保安、7仔（便利店）、waiter（侍應）之類。試過照住塊鏡問自己，但現階段我真係冇咁嘅勇氣。

中年IT男失業搵工難網民心酸回應逐張睇↓↓↓↓

明白了樓主背景後，知道搵食艱難的網民紛窩心地關懷加以鼓勵，施展渾身解數建議各式可行的生路，希望樓主早日搵到新飯碗糊口和擔起頭家↓↓↓↓

網民：7仔可以學做特許經營。fb「香港資訊科技業關注組」截圖

網民：去搵獵頭公司，希望你ok。fb「香港資訊科技業關注組」截圖

網民：唔好開咁高價lo，馬死落地行ar。fb「香港資訊科技業關注組」截圖

網民：50歲都唔識放抵身段。fb「香港資訊科技業關注組」截圖

網民：搵份工唔難，搵份60k最近有啲難。fb「香港資訊科技業關注組」截圖

網民：細路仲有5-6年出身，即係起碼有16歲啦，父親就係一個 role model（好榜樣）示範咩叫能屈能伸。fb「香港資訊科技業關注組」截圖

網民：可以去地盤做，吳浩康（歌手）都係，有1千1日。fb「香港資訊科技業關注組」截圖

網民：真係人到中年嘅煩惱！fb「香港資訊科技業關注組」截圖

網民：做咗咁多年都無人脈網絡build up（建立）？有時識人好過識字呀，因為見得太多例子。fb「香港資訊科技業關注組」截圖

網民：家家有本難念的經，只能說加油。fb「香港資訊科技業關注組」截圖

網民：始終年紀大，好難做返本行......fb「香港資訊科技業關注組」截圖

網民：大把人後生嗰陣威風八面，而家都係行緊呢條路⋯⋯fb「香港資訊科技業關注組」截圖

網民：天無絕人之路，無論你曾經幾風光，都有下滑嘅一日，懂得放低就係畀自己一個重新機會。fb「香港資訊科技業關注組」截圖

中年IT男失業搵工難網民心酸回應↓↓↓↓

回應的不少網民均勸樓主放下身段，有人苦口婆心開解：

•每個搵唔到工嘅IT人都會諗自己係咪同個market（市場）脫咗節。講真有幾多人咁無敵真係pickup（掌握）晒所有skill（技能）？......有時真係睇彩數遇唔遇到工。好彩嘅廢柴都可以泊到好碼頭。不過有頭家可能搵返supervisor（監督）或者一般senior（高級）會易搵啲，60K真係難搵，搵返35K已經唔錯。

•唔知你層樓供完未。如果供完，子女又仲讀緊書嘅，咁好簡單。賣咗層樓直接去搞移民。你想搵返60K，基本上無可能。要你搵30K嘅工，你心理都唔會平衡到，最大問題係，都無人肯請件50歲做junior（初級）位。咁不如當為咗你嘅子女嘅前途，去外國從新出發。去到外國，你就唔介意轉行由低做起㗎嘞。相信你嘅子女將來會多謝你。

•麥噹噹、7仔等， why not try（為何不嘗試）？當兼職做住先都得，跟住報再培訓。其實做咩工都唔係人生終點，最重要係keep move on（繼續前行），就算畀你一路順風順水做打工皇帝，都有退休嘅一日，都有可能面對坐食山崩嘅情況，只不過係來得畀你想像中早。

網民苦口婆心回應逐張睇↓↓↓↓

月入6萬中年IT男失業一家之主愁坐食山崩網民心酸集氣指點生路

網民：60K真係難搵，搵返35K已經唔錯。fb「香港資訊科技業關注組」截圖

網民：建議移民。fb「香港資訊科技業關注組」截圖

網民：麥噹噹、7仔等， why not try（為何不嘗試）？fb「香港資訊科技業關注組」截圖

網民：我自己諗住3幾個月可以搵工，點知都用咗幾年搵工，最後依家揸咗的士。fb「香港資訊科技業關注組」截圖

網民：只要肯放下身段，唔會餓親你。fb「香港資訊科技業關注組」截圖

網民：希望你好快搵到工，做住先，衷心祝福你！fb「香港資訊科技業關注組」截圖

•覺得你就算苦讀進修，好難追30歲年青人，就算追到！現代好多都唔使經驗，唔睇你做過咩大公司，只要你識！無工作經驗嘅一定平過你，識又同你差唔多「白紙就算要教都易啲」......可能「經驗」成為負累，但年齡又無可能當新人。勸你盡快搵一份工先，膠著期可以好耐。我自己諗住3幾個月可以搵工，點知都用咗幾年搵工，最後依家揸咗的士。

•路過。雖然只能夠說聲加油，保持正面......如果要養家，馬死落地行。唔好睇死某啲行業，只要敬業樂業心態就得。例如講都唔信，有老友好勤力嘅30幾歲人，月薪大約3萬零蚊，佢1個月有10幾日假，空閒時間大約攞10日出嚟揸的士，每日營業收入最少2000幾甚至乎4000都有，只要肯放下身段，唔會餓親你。

•老實講你已經好厲害，至少勇氣可嘉！不停send CV，又試其他嘢，講就輕鬆，要轉行，仲要年紀唔細，真係一啲都唔容易！除咗加油，你自己真係要放鬆啲，面對現實唔容易；但冇病冇痛，子女又已經大個，叫做已經比其他人好了。希望你好快搵到工，做住先，衷心祝福你！

另外，有網民在回應欄問樓主「係咪post（發帖）過連登」，又見同一篇文章於2023年9月曾在「香港討論區」見過。至於帖文下「我是一個MSc in IT 畢業生畢業了很多年了經歷過科網年代」的回應更一早於網上流傳。