海倫狀態回升，或成紅魔「救命符」。Reuters
英超第21輪，曼聯主場對戰熱刺，冬季轉會窗過去，紅魔外借今季兩位較少上陣嘅球員，查頓辛祖和雲迪碧克，而外借嘅閘位球員域基朗亦要回歸熱刺，有出無入； 客隊白百合則借入前鋒添姆華拿以及購入熱拿亞中堅杜古辛，以頂替外借至拜仁嘅艾歷迪亞。
主隊曼聯近況飄忽，先和利物浦，再贏阿士東維拉，不過輸畀森林，近5場聯賽1勝1和3負，前線輪換空間不大，狀態有所回升嘅中鋒海倫或成紅魔「救命符」。
客隊熱刺今季自中場大腦占士麥迪臣缺陣後，進攻戰術有所下滑，不過近來似乎逐漸適應，近5場4勝1負，攻入10球，只負白禮頓，但狀態火熱嘅孫興民因出戰亞洲盃缺陣，而兩位中場比蘇馬和柏比沙亞仍同樣因出戰非洲盃未能上陣，令球隊威力大減。
比較雙方的優劣之下，小妹認為曼聯贏面稍大，主勝可捧場。佩芝
-----
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
