聘請到一位廚藝了得的家傭幾乎等於食神駕到。有幸福人夫特地製作家庭式Menu，按著菜單內的71款家常菜色，每天早上給入職12年的廚神印傭落Order（下單）。家庭式Menu菜色豐富如食肆，甫一亮出即引來舉網嘩然，網民對此皆羡慕得心心眼，希望總有一天能有樣學樣。
家庭式Menu 設印尼文版本↓↓↓↓
樓主及後還上載印尼文版本的菜單，指「印尼文姐姐寫畀我，佢話印尼人睇到會明白！」。根據相片，菜單共有6款早餐款、7款湯羮、5款蒸、5款煲仔、7款炒粉麵、33款姐姐小炒皇，和8款甜品；而印尼文版本，甜品更有10款之多↓↓↓↓
家庭式Menu逐張睇↓↓↓↓
家庭式Menu好比茶餐廳出品 ＋ 網民回應↓↓↓↓
幸福人夫早前在facebook專頁「聘請工人姐姐關注組」上載家庭式Menu的初稿，興奮地留言指「姐姐每日會問，阿Sir今晚食甚麼，日日如是，怕煮唔啱我唔開心唔食，所以日日問我，有時諗唔到食咩。今日有時間整咗個Menu（菜單），初稿，要再修改加其他食品，這是我們常煮的食物之一！每朝落Order」，及後在另一帖文分享菜單的印尼文版本。
網民對此均投以艷羡目光，形容這份家庭式Menu好比茶餐廳出品，「似茶餐廳Menu」、「款式多到好似食茶餐廳」、「佩服，學習！」，並大讚「你姐姐大廚嚟個噃」、「姐姐識整咁多嘢，好羨慕」、「我都想食一份」、「識煮咁多好好，我姐姐唔夠10款」、「自己都未必識煮咁多，如果姐姐識煮曬，可以考慮去餐廳做廚師，姐姐好勁」。幸福人夫還樂意解答網民所問↓↓↓↓
幸福人夫解答網民提問↓↓↓↓
網民訴苦：我姐姐煮嘢勁難食
不少網民大讚家庭式Menu做法，指「呢個方法好好，我嚟緊都想整食譜畀姐姐煮，估唔到有人同我一樣想法」、「其實我都有一張，不過就冇印出嚟。係呀，真係日日問我食咩，因為怕買完唔啱我哋食。叫佢發板就真係日日豉油雞翼、番茄蛋、菜。每日如是」。
家庭式Menu好比茶餐廳出品 ＋ 網民回應↓↓↓↓
另有網民順道亮出其家庭式早餐Menu，表示「我有整一個早餐Menu，兩個小朋友每晚落Order」、「最主要方便小朋友睇，之後落Order畀姐姐整」；有人則創新地稱「⋯⋯其實我都有諗過，不過唔係自己整，影低人哋啲餐牌，餸名再寫紙仔，放落個紙巾盒畀姐姐每日抽奬今晚食乜餸」。
有網民羨慕之餘順道訴苦，「羨慕，我姐姐煮嘢勁難食，然後結果變成我老公煮而家」、「你姐姐識煮咁多菜式，好叻！我姐姐唔食豬同蝦，好多都得我同佢食，所以煮嚟煮去都係嗰幾樣」。有人則認為其實「唔駛咁複雜，喺書局有啲姐姐食譜」。
家庭式Menu好比茶餐廳出品 ＋ 網民回應↓↓↓↓
菜單相關新聞：
近失傳酒樓手寫「書法家菜單」重現 9道菜無人睇得明
「離婚宴」菜單激罕曝光 網民有感而發大談婚姻 結論竟意想不到......
字貼字手寫餐牌睇到頭都暈 網民 : 筆格精奇
外傭相關新聞：
新手波士：面試外傭問乜好？ 網民列舉模擬問題教路 仲提醒一樣嘢......
來港菲傭面試過程全曝光 對話藏潛規則 網民：太可憐
港媽訂「菲傭36條家規」惹嘩然 日做14小時 更有違法要求 網民：揮着皮鞭奴隸主
「萬能姐姐」圖文並茂教少主默書港媽教路如何搵高質外傭
港外傭68cm「終極棺材房」曝光驚藏「這樣」刻薄設計網民：看到想哭
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
