獨家丨胡蓓蔚唱歌被豹哥鬧到懷疑人生結婚16年相處靠互踩保鮮

演戲唔多嘅胡蓓蔚（豹嫂）在新劇《旁觀者》中飾演王敏奕媽媽，真摰母女情好有發揮，拍到慘情場口時會爆喊。但豹嫂卻未獲老公單立文(豹哥)讚賞，更常被撥冷水：「佢會彈我『睇吓你幾多演戲痕跡！』其實佢演戲都有改善空間啫。」最慘唱歌都被老公鬧走音，難得豹嫂越鬧越唱，原來兩公婆的保鮮方式係互踩，好搞笑。採訪：方騫平攝影：譚志光

豹嫂好想多啲演戲。

胡蓓蔚拍戲興趣漸濃。

豹嫂體會到拍戲跟唱歌好唔同。

豹嫂拍戲產量唔多。

豹嫂保養得宜。

胡蓓蔚在劇中有老中青階段，年輕時沉迷戀愛，同時有9個男友，由於漠視女兒王敏奕，王敏奕對她又愛又恨，最終愛得太遲。豹嫂稱雖然戲份唔多，但過足戲癮，更碌人情卡搵袁偉豪客串做其中一位男朋友，揸電單車接她去拍拖。

新劇中跟王敏奕有母女情。

袁偉豪客串演其中一位男友。

新劇《旁觀者》拍得順利。

她大讚劇中細路女都好好戲。

叫王敏奕做老師

豹嫂私下會稱呼王敏奕做老師，提點她聲線、節奏、走位等：「我哋由互不相識到產生莫名其妙的火花，仲做埋好朋友，拍到傷心位時唔可以互望，因為一望就忍唔住爆喊，有場戲佢鏡頭內外都喊到暈，真係一位好勁嘅演員，仲會成日鼓勵我。」相反老公常撥她冷水：「尤其玩音樂，佢有一個嚴格標準及要求，會好惡踩到我無地自容，如我喺屋企練歌時，佢會大聲痛斥錯處『走音』、『低咗(音)』、『(音)唔準』、『尾音震』、『冇氣』…即使我唱歌出身都會令我懷疑人生，究竟係咪唔識唱歌？試過驚到要趁佢唔喺屋企先敢練歌，𠵱家佢越鬧越唱，要佢鬧到唔好意思，收聲話『好啲』！可能我平時成日管住佢飲食，哦佢食得唔健康，所以有機會就入我。」