新正頭食好啲，網民來個豪食大放送。美食放閃，一時間龍蝦杯麵滿天飛，連啤一啤也要以20粒靚乾瑤柱相伴。有人索性豪到極致，亮出價值上萬元的極豪ＸＸ碗麵。
新春豪食擦餐勁逐張睇↓↓↓↓
樓主早前在facebook群組「香港街市魚類海鮮研究社」發功，以「一個人食嘢，簡簡單單整返個海鮮杯麵算，一隻蝦一個杯麵仲唔簡單啊」為題，上載真•龍蝦杯麵。
相中原條龍蝦肉擱於海鮮味杯麵上，並以甘香龍蝦膏相伴，相片還以一瓶紅酒作背景。面對網民的熱烈回應，樓主與各人幽默互動↓↓↓↓
新春豪食擦餐勁逐張睇↓↓↓↓＋ 網民流口水回應↓↓↓↓
●網民：嘥咗個杯麵。
●樓主：咁樣食個杯麵真係麻麻哋，有啲嘥咗佢。
●網民：而家啲人為咗呃like，真係咩都做得出。
●樓主：咁簡單點解做唔出。
●網民：喂老友你都幾過分下喎。
●樓主：對待自己係要過分啲。
●網民：又真係簡單咗啲。
●樓主：無需要任何技巧。
●網民：粗粗地食住先。
●樓主：都幾粗吓，隻蝦彈牙嘅。
識食網民教路炒香蝦殼
期間，有食得講究的網民教路，先把杯麵淥軟，倒落鑊加龍蝦肉快炒，再倒返入杯麵食，詳細方法是：
「炒香啲蝦殼擺埋一邊，炒香甘荀、洋蔥、西芹碎掉埋啲炒香咗嘅蝦殼落去一齊炒，炒到咁上下加茄膏繼續炒，茄膏出味就加白蘭地，等酒精揮發完之後加水慢慢煲。搞得嚟應該可以食聽朝個早晨全餐」。
新春豪食擦餐勁逐張睇↓↓↓↓＋ 網民流口水回應↓↓↓↓
網民查問龍蝦價格
另有人查問龍蝦價格，「好耐都冇吃過，請問而家龍蝦幾多錢一隻？」，樓主回應稱「細隻200元左右，我呢隻瞓咗覺嘅有折扣，並透露隻蝦彈牙嘅」、「$100有找。另有網民補充「而家啲龍蝦好平，都話以前舊香港好啲，魚翅浪口。七八十年代食龍蝦就巴閉，而家周街都係百二蚊隻澳洲龍蝦仔」。
新春豪食擦餐勁逐張睇↓↓↓↓＋ 網民流口水回應↓↓↓↓
網民：捱麵鮑
見到樓主如此放閃，網民也不執輸，一人曬一張豪食靚相，龍蝦之餘還有蟹肉、鮑魚，甚至蟲草！有捉到食杯麵精髄的網民突破盲點地指「我沖嘅杯麵，裏面啲材料應該是乾嘅喎。樓主連隨回應指「一條頂一隻龍蝦」。
新春豪食擦餐勁逐張睇↓↓↓↓＋ 網民流口水回應↓↓↓↓
網民：呢個杯麵價值5位數
如此豪華的大碗麵惹來網民起哄，指「3分鐘，夠唔夠淋」、「玩到咁大」、「呢個杯麵價值5位數」、「加熱水焗嚟睇下先好喎」、「再簡單啲水都唔使落，撈麵」。
新春豪食擦餐勁逐張睇↓↓↓↓＋ 網民流口水回應↓↓↓↓
大手筆20粒靚瑤柱送啤酒
而在facebook另一群組「香港啤酒關注組」，有網民早前則以「食飽飯，蒸幾粒乾瑤柱送啤酒」為題，上載一張以20粒靚乾瑤柱送啤酒的相片，如此大手筆也震驚網民，齊齊商量乾瑤柱的炮製方法外，也勾起小時候偷吃乾瑤柱當零食的集體回憶。
新春豪食擦餐勁逐張睇↓↓↓↓＋ 網民流口水回應↓↓↓↓
