恭喜！曾執導拍電影《喜歡妳是妳》的TVB藝人楊潮凱，踏入龍年只不過數天，便宣布喜訊！今日（19日）在社交平台出PO：「我哋又做爸爸媽媽喇！」
相關閱讀：楊潮凱囡囡4歲愈大愈靚太太披婚紗露面 全家夢幻寫真由圈中靚太操刀
楊潮凱又做爸爸喇！
楊潮凱今日（19日）在社交平台出PO，貼了一張超聲波的相片並說：「唔知係唔係每一個女孩子都有想做家姐嘅願望，我好記得每一年，CatharineBB生日都會同我哋講，佢好想要個細佬或者妹妹，唔知係咪吸引力法則呢？今年終於俾佢恨到喇！我正式宣布：『我哋又做爸爸媽媽喇！CatharineBB做家姐喇！」辛苦你喇老婆，我會永遠愛你，I LOVE YOU! #楊生楊太楊小姐 #CatharineBB #家姐仔 #我相信CatharineBB會係個好家姐」
楊潮凱今日回覆《星島頭條》，問到女兒是否獲悉即將做姊姊？他笑說：「家姐知道喇，我同佢講：『你要做家姐喇！』佢第一個反應係呆咗，未係好消化到個消息，問我哋：『咁即係咩？』我哋話：『媽咪肚入面有Baby呀！』佢先好似開始明白，露出了開心的笑容，跟住就話：『我有好多嘢要做喇！要買尿片啦，買奶粉啦！』」
楊潮凱家庭相：
楊潮凱對初戀老婆讚不絕口
楊潮凱與初戀情人太太江玉儀兩人是中學同學，在2013年結婚，2018年女兒楊心悅（Catherine）出世，一家三口過着幸福生活，楊潮凱曾大讚太太是個很完美的女生：「太太係一個好有主見嘅人，當然佢都有溫柔嘅一面，成日想你去陪佢，但佢同時都可以好獨立。所以當我要去出Trip，其實完全唔使擔心佢，她可能勁過我，佢照顧自己嘅能力好強，我好需要個咁嘅一個伴侶。」多年來兩人一直互相支持對方做喜歡的事，楊潮凱鼓勵太太做老師培育下一代，太太亦不介意他加入娛樂圈收入不穩，默默在背後他打算。
其他文章：
35歲朱千雪宣布懷孕！上月肚凸凸傳有喜 元旦日報喜今年榮升媽媽
--------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
