由羅子溢、陳自瑤、黎諾懿、賴慰玲、羅天宇及王敏奕主演的TVB劇集《婚後事》將於周一（26 日）晚首播，今次黎諾懿一改昔日「暖男」形象，與羅天宇齊齊飾演情聖角色，不惜豁出去「裸」到盡！
相關閲讀：婚後事｜黎諾懿艷福無邊激戰多女 賴慰玲半裸共浴喪嘴 陳自瑤濕身透Bra超香艷
黎諾懿從演以來最具挑戰性角色？
「只要曾經愛過痛過，都必有共鳴」是《婚後事》以多角度探討愛情及婚姻世界，日前，TVB官網發布六大主角人物介紹，黎諾懿飾演的「甘誠鈞」（Davey）與羅天宇飾演的「程天暉」同為情聖角色，黎諾懿更加是坐擁數千萬年薪的補習天王，身邊高質女伴一浪接一浪，令賴慰玲飾演正印「呂靜林」 Gina長年
以來只能啞忍。羅天宇則是出身於小康之家的追夢者，無論收入地位均見低微，雖然事業方面堪稱 loser，但由於樣子標緻，加上口甜舌滑，抱著末日戀愛心，羅天宇亦長期不乏性伴侶，而羅天宇身邊最親密的異性朋友，就只有王敏奕飾演的「呂靜海」（Mira）。
黎諾懿背面全裸最終被刪走
在片中，黎諾懿先後與賴蔚玲有親密鴛鴦浸泡泡浴、及與陳自瑤的激吻場面，原來黎諾懿還獻出了更激場口，黎諾懿坦言由於場口太激，最終遭全面刪走：「其實嗰場浸浴戲，原本有個鏡頭係影到我背面全裸，即係全身上下都無遮無掩嘅。由於當時我係面對住幅牆，鏡頭只係影到我背面同 Pat Pat，加上我對劇組好有信心，所以索性真空上陣坦蕩蕩咁拍，不過最後好似話怕大膽得滯 Cut 咗。」黎諾懿又揚言「甘誠鈞」是其從演以來最具挑戰性角色：「因為情緒上落好大，有衝突場口，又有好傷心、好憤怒嘅場口，有啲戲要演得壓抑的，有啲戲又要外露啲，同表現得好自信，同埋因為角色設定口才好，有時一輪嘴講對白都幾考功夫。但For 一個演員嚟講，真係過足戲癮，期待出街後觀眾嘅反應。」
羅天宇沙灘上豪邁忘情「裸跑」
至於羅天宇亦不遜色，則在監製林肯要求下，在沙灘上豪邁忘情「裸跑」，全身捲滿廁紙的羅天宇，更要做出極度享受的奔放表情，相當爆笑。「怕醜仔」羅天宇笑言拍攝時相當尷尬：「其實我雖然有著住肉色打㡳褲喺度跑，但因為我成身捲滿廁紙，又要個樣好陶醉咁，搞到成班幕後都焗晒蟹。同埋嗰日海邊唔係完全冇人，仲要有啲船喺海中心，都要克服好大心理關口，都有因為忍唔住笑，食咗唔少 NG。」
其他文章：
婚後事丨陳自瑤半裸肉緊騎住男拍檔冇通知王浩信 羅子溢畀老婆睇接吻場口被嫌棄
婚後事丨賴慰玲全裸拍浸浴戲膠紙遇熱即甩 全靠黎諾懿人肉chok泡遮重要部位
陳自瑤提王浩信再現經典表情！ 口啞啞10秒靠「離婚老公」解圍？
----------------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
