謝雪心、丁子朗、江嘉敏、何廣沛及吳業坤等今日（26日）到尖沙咀出席於下月2日舉行的《博愛歡樂傳萬家》記者會。丁子朗表示初入行時已跟鄭裕玲及陳凱琳做《博愛》司儀，所以特意前來支持，又透露稍後將出發到馬來西亞工作，問到是否參加了《亞洲超星團》之後是否多了工作？他指確實多人認識了自己，但笑言客戶千叮萬囑叫他不要以《亞洲超星團》的裝扮現身：「好好笑，佢哋叫我唔好用《超星團》個妝同頭，可能覺得唔啱品牌形象，有三個品牌都係咁，可能將啲衫擺落個頭度，覺得有啲唔夾，叫我試第二個妝。今晚去做Annual dinner，又係咁講，我話其實冇咁誇張，嗰個只係舞台效果。」
丁子朗指也有問網民意見，雖然很多人叫他喜歡怎樣就怎樣或是做自己，但他認為「韓仔Look」的確很難駕馭，問到他是否喜歡自己的「少男Look」，他指內地節目喜歡加濾鏡營造效果，但好笑的是最初節目連他的眼淚也磨走：「佢當暗瘡咁磨走咗，我話不如取消個濾鏡，所以最後我同其他人嘅濾鏡係唔一樣。（你鍾唔鍾意嗰個形象？）我自己比較難handle，我唔識化呢個妝，但估唔到呢個妝有咁大迴響。」
提到他未能晉身總決賽是否感失望，他表示自己今次「賺凸」，因為公司肯俾機會嘗試，最不開心的只是不能夠繼續訓練，對於有傳賽果早已內定，他說：「我自己感受個節目好專業，呢個（內定）唔係控制範圍，唔好用內定去扼殺選手嘅努力，咁樣係唔公平，好欣賞佢哋嘅才藝，佢哋係好好嘅表演者。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
