每逢賽馬日，全港多個馬會投注站都有大批馬迷聚集準備「搏殺」，網上今日流傳一段影片，片中見到黃大仙有兩名馬迷以投注站外停泊的的士做書枱，十分專注地「刨馬經」落注，惟司機上車後未有出言提醒，之後踩油絕塵離開，令兩名馬迷呆若木雞。有網民笑言兩名馬迷「入哂迷，咁都唔知司機上咗車」，又指如果車尾冚上放的是外賣，可能隨的士開車而倒瀉。
有關片段長約50秒，未有詳細列明拍攝日期及時間，當時兩名中年馬迷在黃大仙環鳳街的投注站外「刨馬經」，他們目光非常堅定，身穿杏色外套的男子更以車尾冚做書枱劃飛，如入無人之境，根本未有理會司機已返回車上。的士司機未有出言提醒便開車駛走，兩名馬迷隨即作出反應，將馬經及投注飛捉實，但仍有數張投注飛遺留在車尾冚上，而片段最後見到兩名馬迷呆若木雞，望住的士離開。
黃大仙有兩名馬迷以投注站外停泊的的士做書枱，十分專注地「刨馬經」落注。
黃大仙有兩名馬迷以投注站外停泊的的士做書枱，十分專注地「刨馬經」落注。
黃大仙有兩名馬迷以投注站外停泊的的士做書枱，十分專注地「刨馬經」落注。
兩名馬迷呆若木雞，望住的士離開。
兩名馬迷呆若木雞，望住的士離開。
多名網民均認為片段「好好笑」，其中有人指站在車尾當車尾冚為枱的馬迷落注落得太入神，根本未有為意司機已上車，但亦有人笑言幸好兩位馬迷未有將個人財物放在車尾冚上，否則「一去無回頭」，「好彩無放埋個銀包上去」、「入哂迷，咁都唔知司機上咗車。車尾果啲係咪啲飛嚟？又要入馬會攞過」、「阿叔仲老奉攤大份報紙嚟睇」、「這時我看見他的背影，我的淚很快地流下來了」、「如果係食外賣仲搞笑。碗嘢走左去然後倒到一街都係」、「報紙都冇埋你叫人哋點樣賭」。
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
