方俊4月開處男個唱關顧視障人士 71歲「靚聲王」張偉文精靈舉手撐愛徒場

方俊在71歲「靚聲王」恩師張偉文鼓勵下，月前已推出首隻單曲《鼓舞》，歌頌友情可貴，並為曾遇挫敗或受疾病煎熬的人打氣，帶出正能量，見於新歌反應不錯，方俊再於下月15日，晚上七時半在北角新光戲院舉行《方俊燃亮愛演唱會》，他並會將部份門票送贈視障人士及其家屬來「燃亮愛」，讓視障者都有機會感受及聽到音樂會，將對恩師張偉文的愛傳遞下去。

方俊照顧年老無依嘅張偉文。

兩人好好感情。

方俊於下月15日晚在北角新光戲院舉行《方俊燃亮愛演唱會》。

方俊首支廣東歌《鼓舞》月前推出，反應唔錯。

張偉文6年沒有做和音，特地為愛徒出山。

張偉文有份客串拍MV。

Eddie(彭迪安)、陳思齊、奇哥兩脇插刀拍MV。

唔少Fans期待「靚聲王」張偉文演唱。

好有善心的方俊照顧張偉文不遺餘力，他一直希望能舉行充滿愛心的音樂會，今次處男演唱竟能夢想成真，他說：「視障人士平日冇乜機會出去感受音樂會，我好希望佢哋都有呢個機會，可以能親身感受大舞台，最重要係體會到社會對佢哋嘅關愛，仲可以畀機會佢哋表演吓，上台唱一首歌，發揮天份。」

方俊好恨有自己演出舞台。

方俊在網上節目《星星相識》中邀得老友王美蘭做其中一集嘉賓。

最近忙於演唱會及新歌宣傳。

參與新城電台新春團拜。

港台接受李麗蕊訪問。

近日方俊忙於新歌及個唱做宣傳，仍不忘抽空到老人院探望張偉文及陪他飲茶。當偉文得知方俊開騷時表演興奮，叮囑他要做到最好，唔好失禮師傅。方俊乘機追問師傅：「偉文，你會唔會嚟撐我呀？會唔會嚟睇我騷呀？」張偉文即碌大雙眼精靈回應：「會！我唔嚟聽點撐你呀！」張偉文唔排除，好精神的話會考慮上台支持方俊唱《離別的叮嚀》：「但如果唱埋《訪英台》就會比較複雜。」語畢，張偉文技癢，時興唱半首《訪英台》，唱得有板有眼，仲有埋造手功架，好有睇頭。