觀眾看着撐曼聯的主持與愛隊同悲同喜，又會有另一番樂趣。資料圖片
今季《猜波台》又有新主持加入，靚女Key蛇同佩芝再拉低了主持陣容的平均年齡，一班麻甩仔觀眾大致上都好受落。在節目中，不時有個別觀眾留言，表示不喜歡某主持人有立場，似乎有偏幫某一隊之嫌。客觀也好，主觀也罷，對於呢個問題我一直冇乜所謂，因為這只是不同的節目效果，不過真係有一種做法一定係最令人不齒的。
首先，每個主持人其實都開宗明義地講自己鍾意邊一隊，呢個情況之下就不是「偏幫之嫌」了，呢啲叫明撐。咁又有乜唔好先？有時候球迷在長久以來，習慣聽一些所謂「客觀持平」的評述，聽慣咗成習慣，或者覺得做主持就係應該要係咁，但其實在外國也有不少節目找來有立場的主持去做，亦有另一種過癮。例如，曼聯球迷做主持，觀眾能夠從鏡頭中更感受到有血有肉的感情，當曼聯領先你見到佢好得意忘形，去到曼聯被反勝，你見到佢面如死灰，即使你係「反曼」都能從中享受另一種過癮，這是另一種「公平」。
當然，每個人都有自己口味，每個台或節目亦有唔同定位，百貨應百客而已。不過，有一種評述就打着「客觀持評」的旗號，不願多提自己喜歡或不喜歡的球隊，但在評述某隊時卻明顯偏頗或針對，在我看來，這才是對聽眾和觀眾的不公平，令人不齒，最衰就係呢種。馬高
-----
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
