馬國明與湯洛雯（靚湯）愛得甜蜜，二人雖然未有小朋友，但在婚前就養了一對愛貓Tino同Ariel。早前，Tino 3歲生日，馬國明與靚湯更在家中為愛貓舉行生日會慶祝。不過，相隔4天後，昨日（19日）靚湯在社交網表示愛貓打疫苗後有強烈反應。
靚湯在IG限時動態貼出Tino睡在貓墊的照片。
靚湯愛貓Tino
靚湯表示看見Tino出現肚痾、鼻哥紅，眼腫等徵狀，好心痛。
靚湯即刻帶Tino到診所，打抗敏針和止嘔針，並瞓氧氣箱。
靚湯嚇到眼淚狂飆。
靚湯在IG限時動態貼出Tino睡在貓墊的照片，並提醒大家帶毛孩去打疫苗時，一定要小心觀察打完之後的反應，她續透露Tino打疫苗的反應：「今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱。」靚湯表示非常心痛：「個心痛到啲眼淚狂飆，不過好彩半個鐘之後就舒緩返，而家帶咗返屋企，好攰好攰，係咁瞓覺，都放心返啲。醫生話極少數會有咁嘅反應，不過咁啱就係嗰個極少數，佢仲話好彩我哋快帶佢去，如果唔係後果都有危險..大家有冇試過啲咁嘅情況？」
靚湯之後再在IG向大家報平安，愛貓睡姿變回正常，舒服很多了。
靚湯與老公馬國明。
靚湯與馬明在香港補擺喜酒的相片。
事件太驚嚇，靚湯考慮是否要為愛貓繼續打疫苗。
馬國明和湯洛雯
其後，靚湯再代Tino報平安表示：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
