長實（1113）主席李澤鉅在業績會上點評香港經濟，他先嘆一口氣，道出近年港人「真係幾辛苦」，應對方法交由政府處理，而他意見是「香港一定要保住國際金融中心地位」。
嘆港人近年「真係幾辛苦」
李澤鉅指出，港人近年經歷的「壓力測試」一浪接一浪，包括2019年社會事件、多年的疫情，以及目前經濟環境較困難，直言港人「真係幾辛苦」。他指，應對之策要視乎政府處理，而他就認為，香港須保住國際金融中心地位，「全世界只得三幾個真正國際金融中心，香港過去咁多年已經係其中一個，係來之不易，千祈千祈唔好失去呢個地位。」
李澤鉅業績金句🔽
不過他稱，影響香港的壞消息「似乎出晒嚟」，例如已經撤辣、息口已見頂、飲食及消費等經濟有復甦跡象，又認同長實執行董事趙國雄指，撤辣後樓市即時暢旺，「樓市一暢旺，影響其他行業都好啲。」
「撤辣點都好過唔撤」
而李澤鉅個人亦認為，樓市有周期，他個人雖然沒有水晶球，但「而家樓市似乎Downside（下行）機會率比Upside（上行）機會率低，最近見唔少人都覺得而家值博率幾高。」至於被問樓市過去已承受量價齊跌，撤辣是否太遲，他笑稱是陷阱，「撤辣點都好過唔撤，一做咗最近市場有起色囉，幾好呀。」
被問及為何長實近年較少在港進行大型投資，李澤鉅隨即否認指「唔係喎」，在過去3年都有在港買地，合共8個地產項目，分別位於啟德、元朗、屯門、土瓜灣、西營盤及黃大仙衙前圍村，「所以唔可以講話過去幾年，我哋無喺香港買嘢」。
「香港係家鄉有特別感情」
不過他稱，任何的大型投資最重要是「計數」，作為上市公司的責任，是為股東爭取回報，而長江集團是跨國企業，在全球逾50個國家經營多元化的生意，涉及不同的行業。他提及，以地產行業來說，投地及補地價都是「睇margin（利潤）」，個人看法為「香港係家鄉，對香港有特別的感情」，如果有項目可提供在環球市場認為是合理回報時，一定會在香港投資，「至少唔使飛得咁辛苦先。」
Blue Coast「感覺住南區搭𨋢去金鐘」
長實黃竹坑站港島南岸Blue Coast即將開價，市場關注會否再投下「深水炸彈」，以超低價的策略出售。李澤鉅稱，樓盤的定價視乎每個物業的不同條件，包括受交通配套、項目環境及市況影響定價，故是一門藝術，不可與去年油塘親海駅II等項目直接比較。
他又稱，Blue Coast尚未定價，目前仍在開會研究，「仲考慮中，快㗎喇」，又稱「只可以講Blue Coast係非常優質項目，我日日返工都見到佢，又位於地鐵站上蓋，感覺住喺南區，但搭𨋢去金鐘咁。」
相關新聞：
撤辣後首個「誠哥盤」快開價 細數往績尋啟示 飛揚2期炸爆市場 親海駅II掀搶購潮
美息趨跌 本港按息有下調空間 樓市成交旺 新業主應選H按或P按？
長和去年基本盈利少9% 末期息1.775元 各項業務經營狀況已好轉
長實持續業務盈利少12% 末期息1.62元 撇辣後樓市續由房策及利率主導
---
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁：https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
